Samavedabrahmananyashtau 152

Sāmavedabrāhmaṇānyaṣṭau 152

Language: Sanskrit

152.1

ekādaśaḥ khaṇḍaḥ:
yo vā agniṣṭome trirātraṃ protaṃ vidyātso'gniṣṭome sahasraṃ
dadyāt trirātrāyatanam̐hi sahasram

152.2

'upāsmai gāyatā naraḥ' 'upoṣu
jātamapturaṃ' 'pavasva vāco agriya' iti pratipado bhavantyetadvai
trirātramakaḥ

152.3

pavamāne rathantaraṃ karoti pavamānasyāntyaṃ vāmadevyaṃ
bṛhat pṛṣṭham

152.4

iyaṃ vai rathantaramantarikṣaṃ vāmadevyaṃ dyaurbṛhadime
lokāstrirātro yadetāni sāmāni sadhryañci karotīmāneva tallokān
sandadhāti tena trirātramāpnoti

152.7

tasyāmiḍānām̐saṃkṣāraḥ puruṣo vai kakup paśava iḍānām̐saṃkṣāra ātmanyeva tatpaśūn
pratiṣṭhāpayati

152.8

'pratnaṃ pīyūṣaṃ pūrvyaṃ yaduktha' miti satobṛhatyo bhavanti

152.9

satobṛhatyāvai devā imān lokān vyāpnuvannimānevaitābhillokān vyāpnoti

tā vā etā gāyatryo yattripadāstena gāyatryastāvā etā jagatyo yad dvādaśākṣarāṇi padāni tena jagatyastāvā etā bṛhatyo yad ṣaṭtriṃśadakṣarāstena bṛhatyaḥ sarveṣāṃ vā etāśchandasām̐ rūpam̐sarvvāṇi rūpāṇi paśūnāmavarundhe

152.11

etadvai pratyakṣaṃ mahāvrataṃ tasya gāyatram̐śiro bṛhadrathantare pakṣau vāmadevyamātmā yajñāyajñīyaṃ pucchaṃ dakṣiṇā evārkyameṣa vāva pratyakṣaṃ mahāvratena stute ya etena yajate