Samavedabrahmananyashtau 156
Sāmavedabrāhmaṇānyaṣṭau 156
- Language
- Sanskrit
156.1
athaiṣa viśvajicchilpaḥ
156.2
śilpaṃ vā eṣa stomānāṃ paśyate gṛhe śilpaṃ ya evaṃ veda
156.3
tasyāṣṭādaśau pavamānau
156.4
cakrīvānvā eṣa yajñaḥ kāmāya yaṃ kāmaṃ kāmayate tametenābhyaśnute yatra hi cakrīvatā kāmayate tadabhyaśnute
156.5
svargakāmo yajeta
156.6
svargo lokaḥ pṛṣṭhāni svargamevaitena lokamāpnoti
156.7
tejo brahmavarcvasaṃ pṛṣṭhāni yadekadhā pṛṣṭhāni bhavantyekadhaivāsmim̐stejo brahmavarcvasaṃ dadhāti
156.8
annaṃ paśavaḥ pṛṣṭhāni yadekadhā pṛṣṭhāni bhavantyekadhaivāsminnannādyaṃ paśūn dadhāti
156.9
tadāhurnānālokāni pṛṣṭhāni yadekasminyajñakratau samavarudhyanta īśvaro yajamāno'- pratiṣṭhātoriti
156.10
ekavim̐śaḥhotuḥ pṛṣṭhaṃ bhavati pratiṣṭhā vā ekavim̐śomadhyata eva yajñasya pratitiṣṭhatyekavim̐śo'gniṣṭomo bhavati pratiṣṭhā vā ekavim̐śontata eva yajñasya pratitiṣṭhati
156.11
dvāvetā vekavim̐śau bhavato dvipādyajamāno yajamānameva yajñe
paśuṣu ca pratiṣṭhāpayati