Samavedabrahmananyashtau 158
Sāmavedabrāhmaṇānyaṣṭau 158
- Language
- Sanskrit
158.1
prathamaḥ khaṇḍaḥ
devā vai svargaṃ lokamāyaṃsteṣāṃ daivā ahīyanta vrātyāṃ pravasantasta
āgacchan yato devāḥ svargaṃ lokamāyaṃstena taṃstomaṃ na
chando'vindanyena tānāpsyaṃste devā maruto'bruvannetebhyastaṃstomaṃ
tacchandaḥ prāyacchata yenāsmānāpnavāniti tebhya etaṃṣoḍaśaṃstomaṃ
prāyacchan parokṣamanuṣṭubhaṃ tato vai te tānāpuvan
158.2
hīnā vā
ete hīyante ye vrātyāṃ pravasanti na hi brahmacaryaṃ caranti na kṛṣiṃ na
vaṇijyāॅṣoḍaśo vā etat stomaḥ samāptu marhati
158.3
marutstomo
vā eṣa yāni kṣudrāṇi chandāṃsi tāni marutām
158.4
kakubhaṃ
prācīmudūhatyatha yadeṣā dvipadā kakubho loke kriyate rūpeṇaivaināṃstata
samarddhayati
158.5
'adhā hīndra girvaṇa' iti viṣamaṃ chando viṣamamiva
vai vrātaḥ sarvānevaitān samān karoti
158.6
tāsu dyautānam
158.7
dyutāno mārutasteṣāṃ gṛhapatirāsītta etena stomenāyajanta te sarva
ārghnuvan yadetat sāma bhavatyṛdhyā eva
158.8
yanniruktaṃ
nidhanamupeyurgṛhapatirevardhnuyādapetarān ādhnītātha yadaniruktamupayanti
sarvānevaitānṛddhau bhūtau pratiṣṭhāpayati
158.9
garagiro vā ete ye
brahmādyaṃ janyamannamadantyaduruktavākyaṃ duruktamāhuradaṇḍyaṃ daṇḍena
ghnantaścarantyadīkṣitā dīkṣitavācaṃ vadanti ṣoḍaśo vā eteṣāṃstomaḥ
pāpmānaṃ nirhantumarhati yadete catvāraḥ ṣoḍaśā bhavanti tena
pāpmano'dhinirmucyante
158.10
'devo vo draviṇodā' ityagniṣṭomasāma
kāryaṃ devatāsvevainān pratiṣṭhāpayati
158.11
atho khalvāhu ‘adarśi gātuvittama’ ityeva sato bṛhatīṣu
kāryyaṃ viṣamaiva vai vrātaḥ sarvvānevainān satobṛhataḥ karoti
158.12
tadāhuḥ śithilamiva vā etat chandaścarācaraṃ yat sato bṛhatī ‘devo
vo draviṇodā’ ityeva kāryyam
158.13
eṣā vai pratiṣṭhitā bṛhatī
yā punaḥ padā tadyatpadaṃ punarārabhate tasmātputro mātaramadhyeti
158.14
uṣṇīṣaśca pratodaśca jyāhaṇoḍaśca vipathaśca phalakāstīrṇaḥ kṛṣṇaśaṃ
vāsaḥ kṛṣṇavalakṣe ajine rajato niṣkastad gṛhapateḥ
158.15
valūkāntāni dāmatūṣāṇī tareṣāṃ dve dve dāmanī dve dve upānahau
dviṣaḥhitānyajināni
158.16
etad vai vrātyadhanaṃ yasmā etaddadati
tasminnevamṛjānā yanti
158.17
trayastriṃśatā trayastriṃśatā gṛhapati
mabhisamāyanti trayastriṃśadvi devā ārdhnuvan ṛdhyā eva