Samavedabrahmananyashtau 162
Sāmavedabrāhmaṇānyaṣṭau 162
- Language
- Sanskrit
162.1
trayodaśaḥ khaṇḍaḥ
trivṛdagniṣṭomo vaiśvadevasya lokaḥ
162.2
āgneyī pratipad
vaiśvadevaḥ paśurbārhaspatyānūbandhyā
162.3
na yūpaṃ minvanti nottaravediṃ
nivapanti
162.4
paridhau paśuṃ niyuñjanti
162.5
pañcāśaddakṣiṇā
162.6
ahataṃ vasāno'vabhṛthādudaiti caturomāso na māṃsamaśnāti na
striyamupaiti
162.7
tataścaturṣu māseṣu varuṇapraghāsānāṃ loke
dvidivaḥ
162.8
vāruṇī pratipanmārutaḥ paśuḥ
162.9
kavatī
pratipaddhāruṇaḥ paśuḥ
162.10
maitrāvaruṇyanūbandhyā minvanti yūpaṃ nyuttaravediṃ
vapanti yūpe paśū niyuñjanti
162.11
śataṃ dakṣiṇā ahataṃ
vasāno'vabhṛthādudeti caturomāso na māṃsamaśnāti na
striyamupaiti
162.12
tataścaturṣu māseṣu sākamedhānāṃ loke
trirātraḥ
162.13
anīkavatī pratipadāgneyaḥ paśurmārutī pratipadaindrāgnaḥ
paśurvaiśvakarmaṇī pratipadekādaśinīpaśavaḥ sauryānūbandhyāminvanti yūpaṃ
nyuttaravediṃ vapanti yūpe paśū niyuñjanti pañcāśacchataṃ dakṣiṇā
162.14
ahataṃ vasāno'vabhṛthādudaiti caturomāso na māṃsamaśnāti na striyamupaiti
162.15
tataścaturṣu māseṣu śunāsīryyasya loke jyotiṣṭomo'gniṣṭomaḥ
162.16
upavatī pratipadyāyavyaḥ paśuraścinyūnabandhyā minvanti yūpaṃ nyuttaravediṃ vapanti yūpe paśuṃ niyuñjanti dvādaśaśataṃ dakṣiṇā
162.17
agniḥ saṃvatsaraḥ sūryyaḥ parivatsaraścandramā idāvatsaro vāyuranu vatsaro'gnim̐saṃvatsaraṃ vaiśvadevenāpnoti sūryyaṃ parivatsaraṃ varuṇapraghāsaiścandramasamidāvatsaram̐sākamedhairvāyumanuvatsaram̐ śunāsīryyeṇa
162.18
haviryyajñairvai devā imaṃ lokamabhyajayannantarikṣaṃ paśumandriḥ somairamumimānaivaitena lokānāpnotyeṣu lokeṣu pratitiṣṭhati ya evaṃ veda
Linked texts (2)
- Ārṣeyakalpa (another edition) — Sanskrit
- Pañcaviṃśabrāhmaṇa — Sanskrit