Samavedabrahmananyashtau 166
Sāmavedabrāhmaṇānyaṣṭau 166
- Language
- Sanskrit
166.1
tṛtīya: khaṇḍa:
saptadaśo'gniṣṭoma:
166.2
tasya dīkṣaṇīyāyāmiṣṭau dvādaśā-mānahiraṇyaṃ dadāti caturviṃśatimānaṃ prāyaṇīyāyāṃ dve caturviṃśatimāne ātithyāyāṃ catvāri caturviṃśatimānāni prāta: prathamāyāmupasadyaṣṭau caturviṃśatimānānyaparāhṇe prathamāyāmupasadi ṣoḍaśacaturviṃśatimānāni prātarmadhyamāyāmupasadi dvātriṃśataṃ caturviṃśatimānānyaparāhṇe madhyamāyāmupasadi catu:ṣaṣṭiṃ caturviṃśatimānāni prātaruttamāyāmupasadyaṣṭāvim̐śati śataṃ caturvim̐śatimānyaparāhṇa uttamāyāmupasadi
dve aṣṭāvim̐śatiśatamāne agnīṣomīyasya paśorvapāyām
catvāryaṣṭāvim̐śatiśatamānāni prātaḥ paśorvapāyāmaṣṭāviṣṭāvim̐śatiśatamānāni prātaḥ savane sanneṣu nārāśam̐seṣu
ṣoḍaśāṣṭāvim̐śatiśatamānāni mādhyandine savane'naḍucchataśca rukmī
hotuḥ sragudgāturdvātrim̐śatamaṣṭāvim̐śatiśatamānāni tṛtīyasavaneṣu sanneṣu
nārāśam̐seṣu catuḥṣaṣṭimaṣṭāvim̐śatiśatamānyudayanīyāyāmiṣṭauṣṭāvim̐śatiśatamaṣṭāvim̐śatiśatamānāni vaśāyāṃ vapāyām
166.3
eṣa
vā anaḍuho lokamāpnoti ya evaṃ veda
166.4
eṣa vai jyotiṣmantaṃ
puṇyaṃ lokaṃ jayati ya evaṃ vidvānetena yajate
166.1-2
caturthaḥ khaṇḍaḥ
saptadaśo'gniṣṭomaḥ
166.2-2
tasya prātaḥsavanīyān somān
pratiduhā śrīṇāti śrṛtena madhyandine dadhnā tṛtīyasavane
166.3-2
paśukāmo
yajeta
166.4-2
yat sarvāṇi savanānyāśīrvvanti bhavantyanusavanamevainaṃ
paśubhiḥ samarddhayati prajātvasya mīliteva bhavati śukriye hi savane
payasā śrīṇāti
166.5
vaiśyaṃ yājayet
166.6
etadvai vaiśyasya
samṛddhaṃ yatpaśavaḥ paśubhirevainam̐samarddhayati
166.7
tasya kaṇvarathantaraṃ
pṛṣṭham
166.8
sadoviśīyaṃ brahmasāma
166.9
paśavo vai kaṇvarathantaraṃ
paśavaḥ sadoviśīyamabhi pūrvanevāsmin paśūn dadhāti
166.10
sarvaḥ
saptadaśo bhavati
166.11
dvādaśamāsāḥ pañcartavaḥ sa vai saṃvatsaraḥ
saṃvatsaraṃ paśavo'nuprajāyante tānevāptvā varundhe