Samavedabrahmananyashtau 167
Sāmavedabrāhmaṇānyaṣṭau 167
- Language
- Sanskrit
167.1
pañcamaḥ khaṇḍaḥ
saptadaśa ukthyaḥ
167.2
indro vṛtramahan sa viṣvaṅvīryeṇa
vyārcchattasmai devāḥ prāyaścittimaiccham̐staṃ na kiñcanādhinottaṃ tīvrasoma
evādhinot
167.3
somātipavitaṃ yājayet
167.4
chidraiva vā eṣa
yaḥsomo'tipavate yattīvrasomena yajate pihityā evācchidratāyai
167.5
rājānamaparuddhaṃ yājayet
167.6
viḍavā etamatipavate yo rājāvarudhyate yattīvrasomena yajate pihityā evācchidratāyai
167.7
grāmakāmo
yajet
167.8
grāmo vā etamati pavate yo'laṃ grāmāya san grāmaṃ na
vindate yattīvrasomena yajate pihityā evācchidratāyai
167.9
prajākāmo
yajeta prajā vā etamatipavate yo'laṃ prajāyāḥ san prajāṃ na vindate
yattīvrasomena yajate pihityā evācchidratāyai
167.10
paśukāmo yajeta
paśavo vā etamatipavante yo'laṃ paśubhyaḥ san paśūn na vindate
yattīvrasomena yajate pihityā evācchidratāyai
167.11
āmayāvinaṃ
yājayet prāṇā vā eta matipavante ya āmayāvī yattīvrasomena
yajate pihityā evācchidratāyai
167.12
śatamāśiraṃ duhanti
tīvrayantyevainam
167.13
tattā u eva dakṣiṇā:
167.14
abhyabhisomānunnayanti tīvraenaṃ dhinavadityubhāvadhvaryū sarve
camasādhvaryavo'cchāvākāya pratigṛṇanti tīvrayantyevainam
167.15
tadabhakṣayanta ṛtvijaścamasānavajighrati tīvrayantyevainaṃ
tattānacchāvākasyastotre bhakṣanti tīvrayantyevainam
167.16
tadyat
savanāni vyavabhakṣayeyurapakrāmukā yajamānācchrīḥ syāt
sakṛtsakṛtsavanānāmantato bhakṣayanti savanānāmasaṃbhedāya
167.17
rathantaraṃ sāma bhavati
167.18
iyaṃ vai rathantaramasyāṃ vā eṣa na
pratitiṣṭhati yo na pratitiṣṭhatyasyāmevainaṃ pratiṣṭhāpayati
167.19
śrāyantīyaṃ brahmasāma bhavatyetadevāsmiñchrīṇāti
167.20
yajñāyajñīyamanuṣṭubhi bhavati
167.21
vāganuṣṭup vācoraso yajñāyajñīyaṃ
vācyevāsyarasaṃ dadhāti
167.22
viśoviśīyamagniṣṭomasāma bhavatyetadevāsmin sarvaṃ
pratiṣṭhāpayati
167.23
udvaḥśīyamukthānāmantato bhavati sarveṣāṃ vā
etatpṛṣṭhānāḥrūpaḥsarveṣvevarūpeṣu pratitiṣṭhati
167.24
ukthyo bhavati
paśavo vā ukthāni paśuṣveva pratitiṣṭhati
Linked texts (2)
- Āpastambaśrautasūtra — Āpastamba, Sanskrit
- Pañcaviṃśabrāhmaṇa — Sanskrit