Samavedabrahmananyashtau 169
Sāmavedabrāhmaṇānyaṣṭau 169
- Language
- Sanskrit
169.1
saptamaḥ khaṇḍaḥ:
prajāpatirakāmayata vājamāpnuyām̐ svargaṃ lokamiti sa etaṃ
vājapeyamapaśyadvājapeyo vā eṣa vājamevaitena svargaṃ
lokamāpnoti
169.2
śukravatyo jyotiṣmatyaḥ prātaḥsavane bhavanti
tejo brahmavarccasaṃ tābhiravarundhe
169.3
vājavatyo madhyandine bhavanti
svargasya lokasya samaṣṭyai
169.4
annavatyo gaṇavatyaḥ
paśumatyastṛtīyasavane bhavanti bhūmānaṃ tābhiravarundhe
169.5
sarvaḥ
saptadaśo bhavati prajāpatirvai saptadaśaḥ prajāpratimevāpnoti
169.6
hiraṇyasraja ṛtvijo bhavanti mahasaeva tadrūpaṃ kriyate
169.7
eṣa
me'muṣmin loke prakāśo'saditi
169.8
jyotirvai hiraṇyaṃ
jyotirevāsmindadhāti
169.9
ājiṃ dhāvanti yajamānamujjāpayanti
svargamevainaṃ tallokamujjāpayanti
169.10
nākaḥrohati svargameva
tallokaḥrohati
169.11
sarajase rohati manuṣyalokādevainamantarddhati
169.12
vājināṃsāma brahmā rathacakre'bhigāyati vājo vai svargolokaḥ
svargamevainaṃ tallokamujjāpayati
169.13
viṣṇoḥ śipiviṣṭavatīṣu
bṛhaduttamaṃ bhavati svargameva tallokaṃrūḍhvā bradhnasya viṣṭapamabhyati
krāmati