Samavedabrahmananyashtau 17
Sāmavedabrāhmaṇānyaṣṭau 17
- Language
- Sanskrit
17.1
gāvo vā etat satramāsata tāsāṃ daśasu māssu śṛṅgāṇyajāyanta
tā abruvannarāsmottiṣṭhāmopaśā nojñateti tā udatiṣṭhan
17.2
tāsāntvevābrunnāsāmahā evemau dvādaśau māsau sam̐ samvatsaramāpayāmeti
tāsāndvādaśasu māsu śrṛṅgāṇi prāvarttanta tāḥ sarvamannādyamāpuvam̐stā
etāstūparā stasmāttāḥ sarvvāndvādaśamāsaḥ prerate sarvaṃhi tā
annādyamāpuvan
17.3
sarvamannādyamāpnoti ya evaṃ veda
17.4
prajāpatirvā idameka āsīt sokāmayata bahusyāṃ prajāyeyeti sa
etamatirātramapaśyattamāharattenāhorātre prājanayat
17.5
yadeṣo'tirātrobhavatyahorātre eva prajanayantyahorātrayoḥ pratitiṣṭhantyetāvān vāva
samvatsaro yadahaśca rātriścāhorātrābhyāmeva tatsamvatsaramāpnuvanti
17.6
yajjyotiṣṭomo bhavati yajña mukhantadabhyuvanti yaduktho yajñakratoranantarāyāya yadrātriḥ sarvasyāptyai
17.7
sa etān stomānapaśyat
jyotirgaurāyuritīme vai lokā ete stomā ayameva jyotirayammadhyamo gaurasāvuttama āyuḥ
17.8
yadete stomā bhavantīmāneva
lokān prajanayantyeṣu lokeṣu pratitiṣṭhanti
17.9
sa etantryahaṃ
punaḥ prāyuṅkta tena ṣaḍahena ṣaḍṛtūn prājanayat
17.10
yadeṣa ṣaḍaho
bhavati ṛtūneva prajanayanti ṛtuṣu pratitiṣṭhanti
17.11
sa etaḥṣaḍahaṃ
punaḥ prāyuṅktatābhyāṃ dvābhyāṃḥṣaḍahābhyāṃ dvādaśamāsaḥ prājanayat
17.12
yadetau dvau ṣaḍahau bhavato māsāneva prajanayanti māseṣu
pratitiṣṭhanti
17.13
sa etau dvau ṣaḍahau punaḥ prāyuṅkta taiścaturbhiḥ
ṣaḍahaiścaturviṃśatirrddhamāsān prājanayat
17.14
yadete catvāraḥ ṣaḍhā bhavantyarddhamāsāneva prājanayantyarddhamāseṣu
pratitiṣṭhanti
17.15
sa idaṃ bhuvanaṃ prajanayitvā pṛṣṭhyena ṣaḍhena
vīryyamātmanyadhatta
17.16
yadeṣa pṛṣṭhyaḥ ṣaḍho bhavati vīryya evāntataḥ
pratitiṣṭhanti
17.17
tena māsān saṃvatsaraṃ prājanayadyadeṣa māso
bhavati samvatsarameva prajanayanti samvatsare pratitiṣṭhanti
Linked texts (1)
- Kāṭhakasaṃhitā — Sanskrit