Samavedabrahmananyashtau 170
Sāmavedabrāhmaṇānyaṣṭau 170
- Language
- Sanskrit
170.1
aṣṭamaḥ khaṇḍaḥ
agniṣṭomaṃ prathamamāharati yajñamukhaṃ vā agniṣṭomo
yajñamukhamevārabhya sarvamākramate
170.2
athaiṣo'bhiṣecanīyaḥ
170.3
tasya dvātriṃśāḥ pavamānā dvitriṃśadakṣarānuṣṭubvāganuṣṭubyāvatī vāk
tayaiva sūyate
170.4
tadāhuḥ saṃśara iva vā eṣa chandasāṃ yadviṣamāstomā
ayathāpūrvamiti
170.5
yatsamāḥ pavamānāstenāsaṃśarastena
yathāpūrvam
170.6
ātmanā vā agniṣṭomenardhnotyātmanā puṇyo
bhavatyatha yadukthāni paśavo vā ukthāni viḍukthāni yadukthāni
bhavantyanusantatyā eva
170.7
‘vāyo śukro ayāmita’ iti vāyavyā
pratipadyavati vāgvai vāyurvācamevāsya yajñamukhe yunakti tayābhiṣicyate
sarvasyā eva vācaḥ sūyate sarvā enaṃ vāco rājeti vadanti
170.8
sambhāryā bhavanti pṛṣṭhānyeva tābhiryunakti yannānādevatyāstena yunakti
vīryaṃ vai pṛṣṭhāni vīrya evādhyabhiṣicyate
170.9
yanti vā ete
yajñamukhādityāhurye sambhāryāḥ kurvata iti
170.10
yat ‘pavasva
vāco agriya’ iti tena yajñamukhānnayanti
170.11
‘davidyutatyā
ruce’ti chandasāṃrūpaṃ chandāṃsyevāsya yajñamukhe yunakti
tairabhiṣicyate
170.12
‘eta mu tyaṃ daśa kṣipa’ ityādityā ādityā
vā imāḥ prajāstāsāmeva madhyataḥ sūyate
170.13
‘pavasvendo vṛṣā
suta’ iti vṛṣaṇvatyo bhavanti triṣṭubho rūpaṃ vīryaṃ vai triṣṭup vīrya
evādhyabhiṣicyate
170.14
'utte śuṣmāsa īrata' ityudvatyo bhavantyudbadvā anuṣṭubho
rūpamānuṣṭubho rājanyastasmādudvatyo bhavanti
170.15
'pavamānasya te
kava' iti prāṇānāṃ klṛptyai
170.16
'adha kṣapā pariṣkṛta' ityanuṣṭup
prathamā'nuṣṭubuttamā vāgvā anuṣṭup vācaiva prayanti
vācamabhyudyanti
170.17
chinnamiva vā etadyadekarccā yadetāvānuṣṭubhau
tṛcāvabhito bhavato bahavaḥ puraetāro bhavanti bahavaḥ paścāpinaḥ
170.18
sauryānuṣṭubuttamā bhavati svargasya lokasya samaṣṭacai
Linked texts (1)
- Taittirīyabrāhmaṇa — Sanskrit