Pramāṇa · Search · About · API

Samavedabrahmananyashtau 171

Sāmavedabrāhmaṇānyaṣṭau 171

Language
Sanskrit

171.1

navamaḥ khaṇḍaḥ
varuṇasya vai suṣuvāṇasya bhargo'pākrāmatsa tredhāpatadbhṛgustṛtīyamabhavacchrāyantīyaṃ tṛtīyamapastṛtīyaṃ prāviśat

171.2

yadgārgavohotā bhavati tenaiva tadindriyaṃ vīryamāptvāvarundhe yat
śrāyantīyaṃ brahmasāma bhavati tenaiva tadindriyaṃ vīryamāptvāvarundhe yat
puṣkarasajaṃ pratimuñcate tenaiva tadindriyaṃ vīryamāptvāvarundhe

171.3

daśamī bhavati

171.4

daśacamasā daśacamasādhvaryyavo daśa daśa
camasamabhayantyādaśamāt puruṣadanvākhyāya prasarpanti daśasamṛddho hoṣa
yajña enaṃ vāva te tadyajñamanvaicchanya etena yajata etadevendriyaṃ
vīryamāptvāsmin dadhāti

171.5

sarvaḥ saptadaśo bhavati dvādaśamāsāḥ
pañcartava: sa vai saṃvatsara: saṃvatsarādevendriyaṃ vīryamāptvāvarundhe

171.6

indro vṛtramahaṃ stasyeyaṃ citrāṇyupaidrūpāṇyasau nakṣatrāṇāmavakāśena
puṇḍarīkaṃ jāyate yat puṣkarasajaṃ pratimuñcate vṛtrasyaiva tadrūpaṃ kṣatraṃ
pratimuñcate

171.7

dvādaśapuṣkarā bhavati dvādaśamāsāḥ saṃvatsaraḥ
saṃvatsare'ntarbhūtaśca bhavyaśca bhūtena caivainaṃ bhavyena ca samarddhayati

171.8

sagudgātussauryya udgātā na vai tasmai vyaucchadatho vyevāsmai
vāsayati

171.9

rukmohoturāgneyo hotātho amumevāsmā ādityamunnayati

171.10

prākāśā vadhvayryoryyamāviva hyadhvaryyū atho cakṣuṣī evāsmin dadhāti

171.11

aśvaḥ prastotuḥ prājāpatyośvaḥ prājāpatyaḥ prastotātho preva hyaśvaḥ prothati preva prastotā stauti

171.12

dhenuḥ pratiharttuḥ paya evāsmin dadhāti

171.13

vaśā maitrāvaruṇasya vaśaṃ mā nayāditi

171.14

ṛṣabho brāhmaṇācchaṃsino vīryyaṃ vā ṛṣabho vīryyamevāsmin dadhāti

171.15

vāsaḥ potuḥ pavitratvāya

171.16

varāsī neṣṭuranulambevahveṣā hotrā

171.17

sthūriyavācitamacchāvākasya sthūririvahveṣā hotrātho nirvvaruṇatvāyaiva yavā na vai tarhi sadasyāṃ dakṣiṇā abhyabhavannatho asya ta eva tenābhīṣṭāḥ prītā bhavanti

171.18

anaḍvānagnīdho yuktyai

171.19

ajaḥ subrahmaṇyāyai

171.20

vatsataryyunnetuḥ sāṇḍaḥ strivatso grāvastuto mithunatvāya

171.21

dvādaśapaṣṭhauho garbhiṇyo brahmaṇo dvādaśamāsāḥ saṃvatsaraḥ saṃvatsara eva pratitiṣṭhatyatha yadgarbhiṇyo vāgvai dhenurmantro garbho vācye vāsya mantraṃ dadhātyāmantraṇīyo bhavatyatha yaddhenubhavyā dvādaśa payām̐si tānyevāsmin dadhāti tasmādāhuḥ payasvī rājā puṇya iti

Linked texts (2)