Samavedabrahmananyashtau 172

Sāmavedabrāhmaṇānyaṣṭau 172

Language: Sanskrit

172.1

yo vai savādeti nainam̐sava upanamatyatha yaḥ sāmabhya eti pāpīyān sudhuvāṇo bhavati

172.2

sambhāryyā bhavanti pṛṣṭhānyeva tābhiryyunakti

172.4

yat saṃbhāryyā bhavanti tadeva sāmabhyo naiti

172.5

yāni devarājñām̐sāmāni tairamuṣmin loka ṛddhanoti yāni manuṣyarājñāṃ tairasminnubhayoranayorllokayorṛddhanoti devaloke ca manuṣyaloke ca

172.6

sāma triṣṭubhyadhyabhiṣicyate vīryaṃ vai sāmatriṣṭup vīryya evācha
yabhiṣicyate

172.7

ekādaśa rājasāmāni bhavantyekādaśākṣarā
triṣṭubojovīryaṃ triṣṭubojasyeva vīryye'dhyabhiṣicyate

172.8

yat
trivṛtamabhiṣecanīye kuryurbrahmakṣatrāyāpi dadhyuryatrivṛtamuddharanti brahma
tat kṣatrāddharanti tasmāddharatāṃ pratidaṇḍā brāhmaṇā na hi taṃ
trivṛtamabhiṣecanīye kurvanti

172.9

ekaviṃśo'bhiṣecanīyasyottamaḥ
saptadaśo daśapeya ekaviṃśaḥ keśavapanīyasya prathamaḥkṣatraṃ vā
ekaviṃśo viṭ saptadaśaḥ kṣatreṇaivāsmai viśamubhayataḥ
parigṛhṇātyanapakrāmukāsmādviṭ bhavati

yadvai rājasūyenābhiṣicyate
tat svargaṃ lokamārohati sa yadimaṃ lokaṃ nopāvarohedati janaṃ vā
gacchedudvāmādyedyadeṣo'rvācīnastomaḥ keśavapanīyo bhavatyasya
lokasyānudvānāya yathā śākhāyāḥ śākhāmālambhamupāvarohedevametenemaṃ lokamupāvarohati pratiṣṭhāyai

Linked texts (1)

Taittirīyabrāhmaṇa — Sanskrit