Samavedabrahmananyashtau 173
Sāmavedabrāhmaṇānyaṣṭau 173
- Language
- Sanskrit
Contents
- 173.11 — 1 part
173.1
ekādaśaḥ khaṇḍaḥ
indrovṛtramahan sa viṣyaṅvīryeṇa vyabhraṃśata sa etacchrāyantīyamapaśyattenātmānaṃsamaśrīṇādindriyeṇa vā eṣa vīryeṇa vyṛdhyate yo
rājasūyenābhiṣicyate vṛtraṃhi hanti yacchrāyantīyaṃ brahmasāma bhavati
punarevātmānaṃsaṃśrīṇāti
173.2
yajñāyajñīyamanuṣṭubhi bhavati vācā
vā eṣa vyṛdhyate yo rājasūyenābhiṣicyate vṛtraṃhi hanti vāganuṣṭubvāco
raso yajñāyajñīyaṃ vācyevāsya rasaṃ dadhāti
173.3
vāravantīyamagniṣṭomasāma bhavatīndriyeṇa vā eṣa vīryeṇa vyṛdhyate yo
rājasūyenābhiṣicyate vṛtraṃhi hanti yadvāravantīyamagniṣṭomasāma
bhavatīndriyasya vīryasya parigṛhītyai
173.4
aśrayanvāva śrāyantīyenāvārayanta vāravantīyenendriyasya vā eṣā
vīryasya parigṛhītiḥ
173.5
apratiṣṭhito vā eṣa yo
rājasūyenābhiṣicyate yadā vā etena dvirātreṇa yajate'thaiva
pratiṣṭhā
173.6
yāvanti saṃvatsarasyāhorātrāṇi tāvatya etāḥ
stotrīyāḥ saṃvatsara eva pratitiṣṭhati
173.7
agniṣṭomaḥ pūrvamaharatirātra
uttaraṃ nānaivāhorātrayoḥ pratitiṣṭhati
173.8
amāvāsyāyāṃ pūrvamaharuddṛṣṭa
uttaraṃ nānaivārddhamāsayoḥ pratitiṣṭhati paurṇamāsyāṃ pūrvamaharvyaṣṭakāyāmuttaraṃ nānaivamāso: pratitiṣṭhati tadāhurye eva samānapakṣe
puṇyāhanī syātāṃ tayoreva kāryyaṃsamṛddhyai
173.9
apaśavyo dvirātra
ityāhurdve hote chandasī gāyatraśca traiṣṭubhaśca jagatīmantaryantīti na
tena jagatī kṛtā yattṛtīyasavane kriyate
173.10
yadā vā eṣā
hīnasyāharbhajate sāhnasya vā savanamathaiva jagatī kṛtā traiśokamuttara
syāhno brahmasāma bhavati vaikhānasamacchāvākasāma yacchukriye savane
kriyete tenaiva jagatī kṛtā tena paśavyaḥ
173.11
vyuṣṭirvā eṣa
dvirātrovyevāsmai vāsayati
173.11.p1
iti aṣṭādaśo'dhyāyaḥ
Linked texts (2)
- Lāṭyāyanaśrautasūtra — Lāṭyāyana, Sanskrit
- Taittirīyabrāhmaṇa — Sanskrit