Samavedabrahmananyashtau 18
Sāmavedabrāhmaṇānyaṣṭau 18
- Language
- Sanskrit
18.1
dvitīya: khaṇḍa:
prāyaṇīyametadaharbhavati
18.2
prāyaṇīyena vā ahnā devāḥ svargaṃ
lokaṃ prāyanyat prāyaḥstatprāyaṇīyasya prāyaṇīyatvam
18.3
tasmātprāyaṇīyasyāhna ṛtvijā bhavativyametaddhi svargasya lokasya
nediṣṭhaṃ ya etasyartviṅ na bhavati hīyate svargāllokāt
18.4
caturviṃśśaṃ bhavati
18.5
caturviṃśśatyakṣarā gāyatrī tejo
brahmavarcasaṅgāyatrī tejaeva brahmavarcasamārabhya prayanti
18.6
caturviṃśśaṃ
bhavati caturviṃśśo vai samvatsaraḥ sākṣādeva samvatsaramārabhante
18.7
yāvatyaścaturviṃśśasyokthasya stotrīyāstāvatyaḥ samvatsarasya rātrayaḥ
stotrīyābhireva tat samvatsaramāpnuvanti
18.8
pañcadaśa stotrāṇi
bhavanti pañcadaśārddhamāsasya rātrayo'rddhamāsaśa eva tat
samvatsaramāpnuvanti
18.9
pañcadaśa stotrāṇi bhavanti pañcadaśa śastrāṇi
sa māso māsaśa eva tat samvatsaramasapnuvanti
18.10
tadāhurīrmmā
iva vāṃ eṣā hotrā yadacchāvākyā yadacchāvākamanusantiṣṭhata īśvarermmā
bhavitoriti yadyukthaḥsmātraikakubhaścodvaḥśīyaścāntata: pratiṣṭhāpye vīryyaṃ
vā ete sāmanī vīryya evāntata: pratitiṣṭhanti
18.11
atho
khalvāhuragniṣṭomameva kāryameṣa vai yajñaḥ svagryo yadagniṣṭoma ūrddhvohi
hotāramanu santiṣṭhate
18.12
dvādaśa stotrāṇyagniṣṭomo dvādaśa māsāḥ samvatsarastena
samvatsarasammito dvādaśa stotrāṇi dvādaśa śastrāṇi taccaturvim̐śatiścaturvim̐śatirarddhamāsāḥ saṃvatsarastena samvatsarasammitaḥ
18.13
atho khalvāhurukthameva kāryamahnaḥ samṛddhyai
18.14
sarvāṇi rūpāṇi
kriyante sarvam̐hotenāhnāpyate
18.15
pavante vājasātaye somāḥ
sahasrapājasa iti sahasravatī pratipatkāryyā
18.16
samvatsarasya
rūpam̐sarvāṇevainānetayā punāti sarvānabhi vadati
18.17
atho
khalvāhuḥ pavasva vāco agriya ityeva kāryā mukhaṃ vā etat
saṃvatsarasya yadvācogramukhataeva tat saṃvatsaramārabhante
18.18
mithunamiva vā eṣā vyāhṛtiḥ pavasveti pum̐so rūpaṃ vāca iti
striyāḥ someti pum̐so rūpaścitrābhiriti striyā mithunamevaibhyo
yajñamukhe dadhāti prajananāya
18.19
agne yuṅkṣvā hi ye taveti
jarābodhīyamagniṣṭoma sāma kāryyaṃ yuktenaiva saṃvatsareṇa prayanti
caturvim̐śatyakṣarāsu bhavati caturvim̐śasya rūpam
18.20
atho
khalvāhuryyajñāyajñīyameva kāryyam
18.21
panthā vai yajñāyajñīyaṃ patha
eva tannayanti
Linked texts (1)
- Mādhyandina — Sanskrit