Samavedabrahmananyashtau 183
Sāmavedabrāhmaṇānyaṣṭau 183
- Language
- Sanskrit
183.1
ekādaśaḥ khaṇḍaḥ
athaiṣa jyotiḥ
183.2
tasya trivṛdbahiṣpavamānaṃ pañcadaśānyājyāni
caturviṃśo mādhyandinaḥ pavamānaḥ saptadaśāni pṛṣṭhāni
183.3
prāṇo
vai trivṛdātmā pañcadaśaḥ
183.4
mukhaṃ gāyatryannaṃsaptadaśo mukhata
eva tadannaṃ dhatte
183.5
annamattyannādo bhavati ya evaṃ veda
183.6
mādhyandinena vai pavamānena devāḥ svargaṃ lokamāyanyadeṣa caturviṃśo
mādhyandinaḥ pavamāno bhavati svargasya losyākrāntyai caturviṃśatyakṣarā
gāyatrī tejo brahmavarccasaṃ gāyatrī tejaeva brahmavarccasamavarundhe prāṇo
gāyatrī prajananaṃ prāṇādeva gāyatryāḥ prajāyate
183.7
ubhaye stomā
yugmantaścāyujaśca tanmithunaṃ tasmānmithunāt prajāyate
183.8
pakṣi
vā etacchandaḥ pakṣī jyotiṣmān puṇyān lokān sañcarati ya evaṃ
veda
183.9
madhyato vā agnirvariṣṭhastasmādetestomā madhyato variṣṭhāḥ
kriyante
183.10
ekā saṃstutānāṃ virājamatiricyata ekākinamevainamannādyasyādhyakṣaṃ karoti
183.11
jyoti vā eṣā'gniṣṭomo
jyotiṣmantaṃ puṇyaṃ lokaṃ jayati ya evaṃ vidvānetena yajate
Linked texts (1)
- Pañcaviṃśabrāhmaṇa — Sanskrit