Pramāṇa · Search · About · API

Samavedabrahmananyashtau 187

Sāmavedabrāhmaṇānyaṣṭau 187

Language
Sanskrit

187.1

pañcadaśaḥ khaṇḍaḥ
athaiṣa indrāgnyoḥ kulāyaḥ prajākāmo vā paśukāmo vā
yajeta prajā vai kulāyaṃ paśavaḥ kulāyaṃ gṛhāḥ kulāyaṃ kulāyameva
bhavati

187.2

etenaiva dvau yājayet

187.3

yat ṣaṭ trivṛntistotrāṇi
bhavanti nānā brahmavarccase pratitiṣṭhato yat dve pañcadaśe nānāvīrye
yat dve saptadaśe nānā paśuṣu yat dve ekaviṃśe nānā pratitiṣṭhataḥ
pratitiṣṭhati ya evaṃ veda

187.1-2

ṣoḍaśaḥ khaṇḍaḥ
athaiṣa pañcadaśa indrastoma ukthyaḥ

187.2-2

etena vā indro'tyanyā
devatā abhavadatyanyāḥ prajā bhavati ya evaṃ veda

187.3-2

rājanyaṃ
yājayet

187.4

sarvvaḥ pañcadaśo bhavatyojo vīryaṃ pañcadaśa ojasaivainaṃ
vīryeṇa samarddhayati

187.5

aindrīṣu bhavantīndriyeṇaivainaṃ vīryeṇa
samarddhayati

187.6

ukthyo bhavati paśavo vā ukthāni viḍukthāni
viśamevāsmai paśūnanuniyunaktyanapakrāmukāsmādviḍ bhavati

187.7

pañcadaśastotrāṇi pañcadaśāni bhavantyojo vīryaṃ
pañcadaśo'bhipūrvamevāsminnojo vīryandadhāti

Linked texts (2)