Samavedabrahmananyashtau 19
Sāmavedabrāhmaṇānyaṣṭau 19
- Language
- Sanskrit
19.1
tṛtīyaḥ khaṇḍaḥ:
abhīvartto brahmasāma bhavati
19.2
abhīvarttena vai devāḥ svargaṃ
lokamabhyavarttanta yadabhīvartto brahmasāma bhavati svargasya
lokasyābhivṛtyai
19.3
ekākṣaraṇidhano bhavatyekākṣarā vai vāgvācaiva
tadārabhya svargaṃ lokaṃ yanti
19.4
sāmneto yantyṛcā
punarāyanti
19.5
sāma vā asau loko ṛgayaṃ yadita: sāmnā
yanti svargaṃ lokamārabhya yanti yadvā punarāyantyasmin loke
pratitiṣṭhanti
19.6
yatsāmāvasṛjeyurava svargāllokātpadyeranyaccamanusṛjeyurnaśayeyurasmāllokāt
19.7
samānaṃsāma bhavatyanyonyaḥ prāgātho'nyadanyaddhi citramadhvānamavagacchanteti
19.8
vṛṣā vā eṣa retodhā yadabhīvarttaḥ pragātheṣu reto dadhadeti yadita: samānaṃsāma bhavatyanyo'nyaḥ pragātho reta eva taddadhati yatparastāt samānaḥ pragātho bhavatyanyadanyatsāma reta eva taddhitaṃ prajanayanti
19.9
sāmnetaḥ pragāthāṃ dugdhe pragāthena parastātsāmāni dugdhe salomatvāya
19.10
ye vā adhvānaṃ punarnivarttayanti nainaṃ te gacchanti ye'punarnivarttaṃ yanti te gacchanti
19.11
ya āstutaṃ kurvate yathā dugdhāmupasīde devantat
19.12
ye nāstutaṃ yaṃ kāmaṃ kāmayante tamabhyaśnuvate
19.13
brahmavādino vadanti yātayāmāḥ saṃvatsarā 3 ayātayāma 3 iti te nāyātayāmeti vaktavyaṃ punaranyāni stotrāṇi nivarttanta ūrdhvameva brahmasāmeti