Samavedabrahmananyashtau 193
Sāmavedabrāhmaṇānyaṣṭau 193
- Language
- Sanskrit
193.1
tṛtīyaḥ khaṇḍaḥ
trivṛdbahiṣpavamānaṃ pañcadaśānyājyāni saptadaśo mādhyandinaḥ
pavamāna ekaviṃśaḥhotuḥ pṛṣṭhaṃ chandomā itarāṇi triṇava
ārbhavastrayastriṃśo'gniṣṭomaḥ, pratyavarohīṇyukthāni triṇavaṃ
prathamamathaikaviṃśamathasaptadaśamekaviṃśaḥ ṣor̤aśī, pañcadaśī
rātristrivṛtsandhistrivṛt prathamamatiriktastotramathapañcadaśamathasaptadaśamathaikaviṃśam
193.2
prajāpatiḥ paśūnasṛjata te'smāt sṛṣṭā
apākrāmastānagniṣṭomena nāpnottānukthairnāpnottān ṣoḍaśinā
nāpnottāntrātryā nāpnottān sandhinā nāpnotānaśvinena nāpnotānagnimabravīdimānma īpseti tānagnistrivṛtāstomena jarābodhīyena sāmnā
nāpnotānindramabravīdimānma īpseti tānindraḥ pañcadaśena stomena
satrāsāhīyena sāmnā nāpnotān viśvān devānabravīdimānma īpsateti
tānviśve devāḥ saptadaśena stomena mārgīyaveṇa sāmnā
nāpnuvaṃstānviṣṇumabravīdimānma īpseti tān viṣṇurekaviṃśena
stomenāpnodvāravantīyenāvārayata 'idaṃ viṣṇurvicakrama' iti
vyakramata
193.3
yasmātpreva paśavo bhraśśeran sa etena yajeta
193.4
etena vai devā jaitvāni jitvā yaṃ yaṃ kāmamakāmayanta taṃ tamāpnuvan
yaṃ kāmaṃ kāmayate tametenāpnoti
193.5
tadaptoryāmino'ptoryāmatvam
Linked texts (2)
- Taittirīyabrāhmaṇa — Sanskrit
- Pañcaviṃśabrāhmaṇa — Sanskrit