Pramāṇa · Search · About · API

Samavedabrahmananyashtau 199

Sāmavedabrāhmaṇānyaṣṭau 199

Language
Sanskrit

199.1

caturdaśaḥ khaṇḍaḥ
trivṛtprātaḥ savanaṃ, pañcadaśaṃ mādhyandinam̐ savanam̐ saptadaśaṃ
tṛtīyasavanaṃ, pañcadaśaṃ prātaḥsavanaṃ, saptadaśaṃ mādhyandinam̐savanamekavim̐śaṃ
tṛtīyasaṃvanam̐sokthamekavim̐śaṃ prātaḥsavanaṃ, triṇavaṃ mādhyandinam̐savanaṃ,
trayastrim̐śa ārbhavaścatustrim̐śogniṣṭoma, ekavim̐śānyukthāni sa
ṣoḍaśikāni ṣoḍaśaṃ prathamam̐rātriṣāma, pañcadaśī rātristrivṛtsandhiḥ

199.2

prajāpatirvā idameka āsīttasya vāgeva svamāsīdvāg
dvitīyā sa aikṣatemāmeva vācaṃ visṛjā iyaṃ vā idam̐sarvaṃ
vibhavantyeṣyatīti sa vācaṃ vyasṛjata sedam̐sarvaṃ vibhavantyait
sordhvodātanodyapathāpāṃ dhārā santataivaṃ tasyā eti
tṛtīyamacchinattadbhūmirabhavadabhūdiva vā idamiti tadbhūmerbhūmitvaṃ keti
tṛtīyamacchinattadantarikṣamabhavadantareva vā idamiti
tadantarikṣasyāntarikṣatvaṃho iti tṛtīyamūrdhvamudāsyat tat
dyaurabhavadyutadiva vā adaiti taddivo divatvam

199.3

‘eṣā vāva
pratyakṣaṃ vāgyajjihvāgreṇaitadvāco vadati yadeti madhyenaitadvāco vadati
yat keti sarvayaitadvāco raso'dhyūrdhva udvadati yaddho’ iti

199.4

yadetāni rūpāṇyanvahaṃ vyajyante mukhataeva tadvācaṃ visṛjante mukhato
yajñiyaṃ karmma

199.5

prajāpatirvā idamekākṣarāṃ vācaḥsatīṃ
tredhāvyakarottaime lokā abhavan rūkṣā anupajīvanāḥ sa aikṣata
kathamimelokāloma gṛhṇīyuḥ kathamupajīvanīyāḥ syuriti sa etaṃ
trirātramapaśyattamāharattenemān lokānanvātanottato vā ime lokā
lomāgṛhṇaṃstata upajīvanīyā abhavaṃstrirātrasya vā idaṃ puṣṭaṃ
trirātrasyodaraṇaṃ yadidameṣu lokeṣvadhi

199.6

gacchati paśūnāṃ bhūmānaṃ
dvipadāṃ catuṣpadāṃ ya evaṃ veda

199.7

prajāpatiryadvācaṃ vyasṛjata
sākṣaradeveti prathamaṃ kṣeti dvitīyaṃ reti tṛtīyaṃ yena yena vai rūpeṇa
prajāpatirvācaṃ vyasṛjata tena tena rūpeṇājyānicārabhyante'hāni
cāpyante

199.8

tadāhurbrahmavādino'kṣaresthā vai trirātra ityekākṣarā
vai vāk tryakṣaramakṣaraṃ tryakṣaraḥ puruṣaḥ sa vā enaṃ vedetyāhurghya enaṃ
puruṣa sammitaṃ vedeti

Linked texts (3)