Samavedabrahmananyashtau 20
Sāmavedabrāhmaṇānyaṣṭau 20
- Language
- Sanskrit
20.1
pañcasu mā:su bāhitāḥ pragāthā āpyante
20.2
teṣvāpteṣu chandasī saṃyujyaitavyam
20.3
tisra uṣṇihaḥ syurekā gāyatrī tāstisro bṛhatyo bhavanti
20.4
tadāhuḥ saṃśara iva vā eṣacchandasāṃ yat dve chandasī saṃyuñjantīti
20.5
caturuttaraireva chandobhiretavyam
20.6
paśavo vai caturuttarāṇi chandām̐si paśubhireva tat svargaṃ lokamakramamānayanti
20.7
ekāṅgāyatrīmekāhamupeyurekāmuṣṇihamekāhamekāmanuṣṭubhamekāhaṃ bṛhatyā pañcamāsa iyuḥ paṅktimekāhamupeyustriṣṭubhā ṣaṣṭhaṃ māsamiyuḥ śro viṣuvān bhaviteti jagatīmupeyuḥ
20.8
tadāhuranavaklṛptāni vā etāni chandām̐si madhyandine bṛhatyā
caiva triṣṭubhā caitavyam
20.9
ete vai chandasī vīryavatī ete
pratyakṣaṃ madhyandinasya rūpam
20.10
rāthantare'hani bṛhatī
kāryaitadvairathantarasya svamāyatanaṃ yadbṛhatī sva eva tadāyatane rathantaraṃ
pratitiṣṭhati bārhate'hani triṣṭup kāryaitadvai bṛhataḥ svamāyatanaṃ yat
triṣṭup sva eva tadāyatane bṛhadrathantare pratitiṣṭhantī itaḥ
20.11
trayastrim̐śatā pragāthairetavyaṃ trayastrim̐śadevatā devatāsveva
pratitiṣṭhantoyanti, caturvim̐śatyaitavyaṃ caturvim̐śatirarddhamāsāḥ saṃvatsaraḥ
saṃvatsara eva pratitiṣṭhantoyanti, dvādaśabhiretavyaṃ dvādaśamāsāḥ saṃvatsaraḥ
saṃvatsara eva pratitiṣṭhantoyanti, ṣaḍbhiretavyam̐ṣaḍṛtava ṛtuṣveva
pratitiṣṭhantoyanti, caturbhiretavyaścatuṣpādaḥ ' paśavaḥ paśuṣveva
pratitiṣṭhantoyanti, tribhiretavyantraya ime lokā eṣveva lokeṣu
pratitiṣṭhantoyanti dvābhyāmetavyandvipādyajamānaḥ svargasya lokasyākrāntyā anyenānyena hi padā puruṣaḥ pratiṣṭhanneti