Samavedabrahmananyashtau 200
Sāmavedabrāhmaṇānyaṣṭau 200
- Language
- Sanskrit
200.1
pañcadaśaḥ khaṇḍaḥ
etena vai devā eṣu lokeṣvārdhnuvannetena svargaṃ lokamāyan
200.2
vāgvai trirātro vāco rūpeṇājyāni cāhāni ca vibhajyanta ekākṣarā
vai vāk tryakṣaramakṣaramakṣarasya rūpeṇa vibhajyante trayogandharvāsteṣāmeṣā
bhaktiragneḥ pṛthivī vāyorantarikṣamasāvādityasya dyaustrayodharmāsa
uṣasaṃsacante
200.3
agniruṣasaṃsacate vāyuruṣasaṃsacate'sāvāditya
uṣasaṃ sacate
200.4
trīṇi mithunāni tānyeṣaḥ
200.5
mithunaṃ dve
sambhavato mithunādyatprajāyate tattṛtīyam
200.6
indro
vṛtrāyavajramudayacchatso'bravīnmā me prahārṣīrasti vā idaṃ mayi vīryaṃ
tatte pradāsyāmīti tadasmai prāyacchattadviṣṇuḥ pratyagṛhṇāt sa dvitīyaṃ
sa tṛtīyamudayacchatsa evābravīnmā me prahārṣīrasti vā idaṃ mayi
vīryaṃ tattepradāsyāmīti tadasmai prāyacchat tadviṣṇuḥ pratyagṛhṇādetadvāva
tadabhyanūcyate
200.7
'ubhā jigyathurna parājayethe na parājigye kataraśca
nainorindraśca viṣṇo yadaspṛdheyāṃ tredhā sahasraṃ vitadairayethā' miti
200.8
etadvā ābhyāṃ tatsahasraṃ prāyacchat
200.9
tasyaiṣā bhaktirya ārṣeyo
vidvām̐stasmai prathame'hani deyaṃ yathā vā iyamevam̐sa pratiṣṭhiteyaṃ
pratiṣṭhitaḥ saḥ
200.10
yonārṣeyo vidvām̐stasmai dvitīyo'hani deyaṃ
yathā vā antarikṣamevam̐so'ntarikṣamityantarikṣaṃ vidurvedaṃ tasya
viduḥ
200.11
ya ārṣeyo vidvām̐stasmai tṛtīye'hani deyaṃ yathā vai
dyauravam̐sa dyauriti divaṃ vidurbandhu tasya viduḥ
200.12
śatānyanvahaṃ
dīyanta eṣā vāva yajñasya mātrā yacchataṃ saiva sā vicchinnā dīyate
daśato'nvahaṃ dīyante daśākṣarā virāḍvairājoyajñaḥ saiva sā vicchinnā
dīyate
200.13
trayastrim̐śacca trīṇi ca śatāni prathame'hani deyāstathā
dvitīye tathā tṛtīye
200.14
athaiṣā dvidevatyātrirūpā brahmaṇo dve
tṛtīye tṛtīyamagnīdhaḥ
200.15
kāmyāsi priyāsi havyāsīderante
sarasvati mahi viśruta etāni te'ghnye nāmāni deveṣu naḥ sukrato
brūyāt