Samavedabrahmananyashtau 201
Sāmavedabrāhmaṇānyaṣṭau 201
- Language
- Sanskrit
Contents
- 201.9 — 1 part
201.1
ṣoḍaśa: khaṇḍaḥ
idaṃ vāva prathamenāhnā vyakarodyadidamasyāmadhyāyattamūlamidaṃ dvitīyena
yadidaṃ prāṇādejatyadastṛtīyena yadvarṣati yannakṣatrāṇi yadamuṃ lokaṃ
bheje
201.2
tadāhurbrahmavādino mahāvrataṃ vā etadyadeṣā trirātra iti
tasyai tadeva mukhaṃ yadeteṣāmahnāṃ bahiṣpavamānaṃ ye abhito'hanī tau
pakṣau yanmadhyamamahaḥ sa ātmā'gniṣṭoma sāmāni puccham
201.3
yadevāsāvudeti tanmukhaṃ ye abhito'hanī tau pakṣau yanmadhyamamahaḥ sa
ātmāgniḥ puccham
201.3-2
yadevāsāvudeti tanmukhaṃ ye abhito'hanī
tau pakṣau yanmadhyamamahaḥ sa ātmā yadastameti tatpuccham
201.5
etāvānvāva trirātro gāyatra: prāṇastraiṣṭubhaṃ cakṣurjāgataṃ śrotraṃ sarvamāyureti
ya evaṃ veda
201.6
tadāhurbrahmavādina: kiyam̐strirātraitīyāniti
brūyādiyadhyeta daśyatho iyāniti brūyādiyadhyevaitadabhiparāñṅrvāñityāhu: parāṅiti brūyātparāṅ hi vadati parāṅ paśyati
parāṅ prāṇityekā3dvā3 uttayā3ityāhureka iti brūyāt samāno
hoṣa yat prāṇo'pānovyānastadyathā adomaṇau sūtramotamevameṣu lokeṣu
trirātra ota: śobhate'sya mukhaṃ ya evaṃ veda
201.7
yadvai trirātrasya
saloma tadasya viloma yadasya viloma tadasya saloma tadyadetatparaṃ
sadaharavaraṃ kriyate yajamānāyaiva tatpaśūn parigṛhṇāti prajananāya na
hyamuṣmin loke paśava: prajāyante
201.8
ete vāva chandasāṃ vīryavattame
yadgāyatrī ca triṣṭup ca yadete abhito bhavato madhye jagatī
vīryavatībhyāmeva tacchandobhyāṃ paśūn parigṛhṇāti prajananāya na
hyamuṣmin loke paśava: prajāyante
201.9
asau vāva trirātro
yathodetyevaṃ prathamamaharyathā madhyandina evaṃ dvitīyaṃ yathā'stametyevaṃ
tṛtīyaṃ gacchatyamuṣya sāyujyaṃ gacchati sāveśayaṃ ya evaṃ veda
201.9.p1
iti viṃśo'dhyāyaḥ
Linked texts (1)
- Jaiminīyabrāhmaṇa (ed. Raghuvira) — Sanskrit