Samavedabrahmananyashtau 202
Sāmavedabrāhmaṇānyaṣṭau 202
- Language
- Sanskrit
202.1
ekaviṃśo'dhyāyaḥ
prathamaḥ khaṇḍaḥ
indromarutaḥ sahasramajināt svāṃ viśaṃ somāya rājñe procya
tasmādrājñe procya viśaṃ jinanti tau yamo'śrṛṇonmaruto ha
sahasramijyāsṛṣṭāmiti sa āgacchatso'bravīdupamāsmin sahasre
hvayethāmiti tamupāhvayetāṃ'sa yamo'paśyadekāṅgāṃsahasre'pi sahasrasya
payobibhratīḥso'bravīdiyameva mamāstu sahasraṃ yuvāṃ vikalpayethāmiti
tā vabrūtāṃ yathā vāva tvametāṃ paśyasyevamāvametāṃ paśyāva iti
202.2
tayā vā idaṃsahasraṃ vikalpayāmahā ityabruvaṃstāmudake
prāveśayaṃste'bruvannaṃśānāharāmahai yasmai na iyaṃ prathamāyo deṣyati
iti teṃśānāharanta somasya prathama aidathendrasyātha yamasya
202.3
te'bruvan somāya rājña udehi tṛtīyena cātmanastutīyena ca sahasrasya
payasa iti sā babhruḥ piṅgākṣyekavarṣodaitṛtīyena cātmanastṛtīyena ca
sahasrasya payasaḥ sā yā somakrayaṇī saiva sā
202.4
tṛtīyena
cāsya tasyā ātmanastṛtīyena ca sahasrasya payasaḥ somaḥ krīto
bhavati ya evaṃ vidvān somaṃ krīṇāti yasmā evaṃ viduṣe somaṃ
krīṇanti
202.5
te'bruvannindrāyo dehi tṛtīyena cātmanastṛtīyena ca
sahasrasya payasa iti sā śabalī ṣaṣṭhauhyudait tṛtīyena cātmanastṛtīyena
ca sahasrasya payasaḥ sā yendriyaiṣyā saiva sā
202.6
tṛtīyena cāsya
tasyā ātmanastṛtīyena ca sahasrasya payasa indriyaiṣyā dattā bhavati
ya evaṃ vidvānindriyaiṣyāṃ dadāti yasmā evaṃ viduṣa indriyaiṣyāṃ
dadāti
202.7
te'bruvanyamāyodehi tṛtīyena cātmanastṛtīyena ca sahasrasya
payasa iti sā jaratī kuṣṭāśrṛṅgyudaidbabhrā vā dityau hīrmmato
hasīyasī tṛtīyena cātmana: tṛtīyena ca sahasrasya payasa: sā
yānustaraṇī saiva sā
202.8
tṛtīyena cāsya tasyā ātmanastṛtīyena
ca sahasrasya payaso'nustaraṇī kṛtā bhavati ya evaṃ vidvānustaraṇī
karoti yasmā evaṃ viduṣe'nustaraṇīṅkurvanti nācakṛvānmanyate
202.9
tadāhurbrahmavādino na vā amuṣmin loke sahasrayāḍaloko'stīti
tad yāvadita: sahasrasya gaurgavi pratiṣṭhitā tāvadasmāllokādasau
loka: sahasrayājī vā imān lokān vyāpnotyatho yāvat sahasraṃ
yojanānyatho yāvat sahasramāśvīnānyatho yāvat sahasramahyāni tadgavā
gavā srṛṇoti samākrayaṇāya vā etā dīyante
202.10
sahasraṃ yadasṛjata
tasya tāryyaṃ yonirāsīdyattāryyaṃ pratyasya nayati sayonitvāya