Samavedabrahmananyashtau 209
Sāmavedabrāhmaṇānyaṣṭau 209
- Language
- Sanskrit
209.1
navama: khaṇḍaḥ
caturviṃśāḥ pavamānāstrivṛntyājyāni pañcadaśāni pṛṣṭhāni,
saptadaśo'gniṣṭomaścaturviṃśāḥ pavamānāḥ, pañcadaśānyājyāni,
saptadaśāni pṛṣṭhānye kaviṃśo'gniṣṭomaḥ, sokthaścaturviṃśāḥ
pavamānāḥ, saptadaśānyājyānyekaviṃśāni pṛṣṭhāni, triṇavo'gniṣṭomaḥ,
sokthaścaturviṃśāḥ pavamānā, ekaviṃśānyājyāni, triṇavāni pṛṣṭhāni,
trayastriṃśo'gniṣṭoma, ekaviṃśānyukthāni, ṣaṣoḍaśikāni, pañcadaśī
rātristrivṛtsandhiḥ
209.2
atrirakāmayata catvāro me vīrā
ājāyeranniti sa etamapaśyattasya catvāro vīrā ājāyantāsya
catvārovīrā jāyante ya evaṃ veda
209.3
ekaṃstomamutsṛjyaikamabhyārabhate vīrajananaṃ vai stomo vīramevāsmai
tat prajanayati
209.4
caturviṃśāḥ pavamānā bhavanti caturviṃśatyakṣarā
gāyatrī prajananaṃ gāyatrī prajātyai
209.5
ubhaye stomāyugmantaścā—
yujyaścatanmithunaṃ tasmānmithunāt prajāyate
209.6
agniṣṭomaḥ
prathamamaharuktho dvitīyaṃṣoḍaśī tṛtīyamatirātraścaturthaṃ
nānāvīryatāyai
209.7
nānāvīryāṇyahāni karoti
209.8
gāyatraṃ
vai prathamamahastraiṣṭubhaṃ dvitīyaṃ jāgataṃ tṛtīyamānuṣṭubhaṃ caturtham
209.9
tadāhuryat tṛtīyehani ṣoḍaśinaṃ gṛhṇīyustṛtīyenāhnānuṣṭubhamāpnuyu—
racchandaścaturthamahaḥ syādānuṣṭubho vai ṣoḍaśīti
209.10
caturthe'hani
ṣoḍaśī grahītavyaḥ sva āyatane ṣoḍaśī gṛhyate
209.11
chandobhirahāni
nānāvīryāṇi karoti
209.12
naudhasaṃ prathamasyāhno brahmasāma śyaitaṃ
dvitīyasya śrāyantīyaṃ tṛtīyasya traiśokaṃ caturthasya
209.13
tadāhurapabhraṃśa iva vā eṣa yat jyāyasaḥ chando'dhikanīyaśchanda
upaitīti
209.14
tadyadeṣā caturthe'hanyatijagatī kriyate'napa—
bhraṃśāya
209.15
kāleyaṃ prathamasyāhnocchāvākasāma mādhucchandasaṃ
dvitīyasya rauravaṃ tṛtīyasya samantaṃ caturthasya nānāvīryatāyai
nānāvīryāṇyahāni karoti
209.16
'abhi tvā vṛṣabhā suta'iti
tṛtīyasyāhno rathantaraṃ 'kastamindra tvā vasavi'ti vāmadevyaṃ 'yajñā
yathā apūrvye'ti caturthasyāhno bṛhat 'edu madhormadintarami'ti vāmadevyaṃ
chandasāṃ nānāvīryatāyai nānāvīryāṇyahāni karoti
Linked texts (1)
- Jaiminīyabrāhmaṇa (ed. Raghuvira) — Sanskrit