Pramāṇa · Search · About · API

Samavedabrahmananyashtau 212

Sāmavedabrāhmaṇānyaṣṭau 212

Language
Sanskrit

212.1

trayodaśaḥ khaṇḍaḥ
dve trivṛto savane pañcadaśamekaṃ, dve pañcadaśe savane saptadaśamekaṃ,
dve saptadaśe savane ekaviṃśamekaṃ, dve ekaviṃśe savane triṇavamekaṃ,
dve triṇave savane trayastriṃśamekaṃ pratyavarohīṇyukthāni, triṇavaṃ
prathamaṃ dve ekaviṃśe ṣaṣoḍaśike, pañcadaśī rātristrivṛtsandhiḥ

212.2

devāśca vā asurāścāsparddhanta te na vyajayanta te'bruvan vāco
mithunena vijayāmahai yatareno vāco mithunaṃ na prativindāśste
parābhavāniti te devā eka ityabruvanneketyasurā vāco mithunaṃ pratyavindan
dvāviti devā abruvan dve ityasurā vāco mithunaṃ pratyavindaśstraya
iti devā abruvaṃstisra ityasurā vāco mithunaṃ pratyavindaścatvāra
iti devā abruvaścatasra ityasurā vāco mithunaṃ pratyavidan pañceti
devā abruvannāsurā avindaśtato devā abhavan parāsurāḥ

212.3

bhavatyātmanā parāsya bhrātṛvyo ya evaṃ veda

212.4

saṃvatsaraṃ vā
eṣāntadvīryamannādyamavṛṃjata

212.5

saṃvatsaraṃ vīryamannādyaṃ bhrātṛvyasya
vṛṅkte ya evaṃ veda

212.6

pañcarātro vā eṣa pāṅktaḥ puruṣaḥ
pāṅktāḥ paśava stena puruṣaśca paśūṃścāpnoti

212.7

asthūrirvā eṣa
santato yajño dvau dvau hi stomāvaharvahato yaṃ kāmaṃ kāmayate
tametenābhyaśnute

212.8

yatra yatra hyasthūriṇā kāmayate tattadabhyaśnute

212.9

abhyāsaṃgyaḥ pañcāho bhavati santatyai

212.10

pratyavarohīṇyuttamasyāha ukthāni bhavanti pratiṣṭhityai

Linked texts (2)