Pramāṇa · Search · About · API

Samavedabrahmananyashtau 213

Sāmavedabrāhmaṇānyaṣṭau 213

Language
Sanskrit

213.1

caturdaśaḥ khaṇḍaḥ
trivṛdagniṣṭomaḥ pañcadaśokthaḥ saptadaśokthaḥ pañcadaśokthaḥ saptadaśo'tirātraḥ pañcaśāradīyo marutāḥstomaḥ

213.2

yaḥ kāmayate bahu syāmiti sa etena yajeta

213.3

maruto vai devānāṃ bhūyiṣṭhā bahureva bhavati

213.4

saptadaśaḥstomānātiyanti prajāpatirvai saptadaśaḥ prajāpatimevāpnoti

213.5

agastyo vai marudbhya ukṣaṇa: praukṣattānindrāyā badhnātte vajramādāyābhyapatan sa etatkayāśubhīyamapaśyatte-nāśamayat

213.6

yat kayāśubhīyaṃ śasyate śāntyā eva

213.7

saptadaśa pṛśnīnukṣaṇa: pañcavarṣātsaptadaśa pṛśnīstrivatsā apravītāstān paryagnikṛtān prokṣitānetarā labhante pretarān sṛjanti

213.8

tataḥ saṃvatsare navanītapṛśnīraruṇā ānayanti tāścaivokṣaṇastān paryagnikṛtān prokṣitānetarālabhante pretarān sṛjanti tataḥ saṃvatsare rājīvā ānayanti tām̐ścaivokṣaṇastān paryagnikṛtān prokṣitānetarālabhante pretarān sṛjanti tataḥ saṃvatsare piśaṅgīrānayanti tāścaivokṣaṇastān paryagnikṛtān prokṣitānetarālabhante pretarān sṛjanti tataḥ saṃvatsare sāraṅgīrānayanti tām̐ścaivokṣaṇastān paryagnikṛtān prokṣitānetarā labhante pretarān sṛjanti

213.9

tataḥ saṃvatsare somā bhavanti

213.10

trīṃstrīnavahamālabhante pañcottame'hani

213.11

ajo'gnīṣomīyaḥ

213.12

aindrāmārutā ukṣāṇo mārutyo vatsataryaḥ

213.13

yadi rudro'bhimanyetāgnaye rudravate puroḍāśamaṣṭākapālaṃ nirūpyāthānyamālabheta

213.14

yadi saṃśīryeta bhaumamekakapālaṃ nirūpyāthānyamālabheta

213.15

yadyavasīde nairṝtaṃ caruṃ nirūpyāthānyamālabheta yadyapsumriyetāponaprīyaṃ caruṃ nirūpyāthānyamālabheta yadyandhaḥ syāt sauryaṃ caruṃ nirūpyāthānya-mālabheta

213.16

yadi ślavaṇo vā kūṭo vā syād bārhaspatyaṃ caruṃ nirūpyāthānyamālabheta

213.17

yadi palāyeta vāyavyaṃ caruṃ nirūpyāthānyamālabheta

213.18

yadi prāsahājayeyurindrāya prasahvana ekādaśakapālaṃ nirūpyāthānyamālabheta

213.19

yadyanyena mṛtyunā mriyeta prājāpatyaṃ dvādaśa kapālaṃ nirūpyāthānyamālabheta

213.20

etena vā ekayā vā gāndamo vetastīṣṭvā sarvamṛddhimādnot

213.21

sarvamṛddhimṛdnoti ya evaṃ veda

Linked texts (2)