Samavedabrahmananyashtau 22
Sāmavedabrāhmaṇānyaṣṭau 22
- Language
- Sanskrit
22.1
ṣaṣṭhaḥ khaṇḍaḥ:
viṣuvāneṣa bhavati
22.2
devalokā vā eṣa yadviṣuvāndevalokameva
tadabhyārohanti
22.3
ekaviṃśo bhavatyekaviṃśo vā asya
bhuvanasyāditya ādityalokameva tadabhyārohanti
22.4
dvādaśamāsāḥ
pañcavarttavastraya ime lokā asāvāditya ekaviṃśaḥ
22.5
madhyata eva yajñasya pratitiṣṭhanti
22.6
vāyo śukro ayāmita
iti śukravatī pratipaddhavatyādityasya rūpam
22.7
vāyurvā
etandevatānāmānaśe'nuṣṭup chandasāṃ yadatonyā pratipatsyātpradahet
22.8
yanti vā ete prāṇādityāhuryeṃ gāyatryāḥ pratipado yantīti yadvāyavyā
bhavanti tena prāṇānnayanti prāṇohi vāyuḥ
22.9
atho
śamayantyevainametayā śāntirhi vāyuḥ
22.10
āyāhi somapītaya
iti saumī pāvamānī
22.11
niyutvatī bhavati paśavo vai niyutaḥ
śāntiḥ paśavaḥ śāntenaiva tadādityamupayanti
22.12
divākīrtyasāmā
bhavati
22.13
svarbhānurvā āsura ādityantamasāvidhyattasya devā
divākīrtyaistamo'pāghnanyaddivākīrtyāni bhavanti tama evāsmādapaghnanti
raśmayo vā eta ādityasya yaddivākīrtyāni raśmibhireva tadādityaṃ
sākṣādārabhante
22.14
bhrājābhrāje pavamānamukhe bhavato mukhata evāsya
tābhyāṃ tamo'paghnanti
22.15
mahādivākīrtyaśca vikarṇaśca madhyato
bhavato madhyata evāsya tābhyāṃ tamo'paghnanti
22.16
daśastobhaṃ
bhavati daśākṣarā virāḍ virājyeva pratitiṣṭhanti
22.17
yattvityāhuḥ
ṣaḍbhirito māsaradhvānaṃ yanti ṣaḍbhiḥ punarāyanti kva tarhi
svargoloko yasya kāmāya satramāsata iti
22.18
mūrddhānandiva
iti svargaṃ lokamārabhante
22.19
aratiṃ pṛthivyā ityasmin loke
pratitiṣṭhanti
22.20
vaiśvānara mṛta ājātamagnimiti viṣuvata eva
tadrūpaṃ kriyate
22.21
kaviḥsamrājamatithiñjanānāmityantrādyamevo'payanti
22.22
āsatraḥ pātrañjanayanta devā iti jāyanta
eva
22.23
tattriṣṭub jagatīṣu bhavati traiṣṭubjāgato vā ādityo
yadato'nyāsu syādava svargāllokātpadyeran
22.24
samrāḍvatīṣu
bhavati sāmrājyaṃ vai svargo lokaḥ svargaeva loke pratitiṣṭhanti
Linked texts (3)
- Pañcaviṃśa — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit