Pramāṇa · Search · About · API

Samavedabrahmananyashtau 224

Sāmavedabrāhmaṇānyaṣṭau 224

Language
Sanskrit

224.1

trayodaśaḥ khaṇḍaḥ
jyotiṣṭomo'gniṣṭomo gaurukthya āyurukthyo'bhyāsaṃgyaḥ paścāho
viśvajidatirātraḥ paśukāmo yajeta

224.2

yat jyotirgaurāyurutyahaḥ
purastādbhavati prajñātān stomānupaitīmāneva lokāneṣveva lokeṣu
pratitiṣṭhati

224.3

atha yadabhyāsaṃgya paścāho madhyato bhavati
pāṅktaḥ puruṣaḥ pāṅktāḥ paśavastena puruṣaṃ ca paśūm̐ścāpnoti

224.4

viśvajidatirātro bhavati viśvasyābhijityai

224.1-2

caturdaśaḥ khaṇḍaḥ
trivṛdagniṣṭomaḥ pañcadaśa ukthyastrivṛdagniṣṭomaḥ saptadaśo'gniṣṭoma ekaviṃśa ukthyaḥ saptadaśo'gniṣṭomastriṇavo'gniṣṭomastrayastriṃśa ukthyāstriṇavo'gniṣṭomo viśvajidatirātraḥ

224.2-2

indro'surān hatvā'kāryaścakṛvām̐ amanyata taṃ
devā etena stomenājayan sa pāpmano nairdaśyamagacchat

224.3-2

tasmādiṣuvato vā daṇḍahato vā daśamīṃ nairdaśyaṃ gacchati

224.4-2

daśa daśinī vā eṣā virāḍannaṃ virāḍannādyamevāsmin dadhāti

224.5

agniṣṭomena vai devā asurānnigṛhya madhyata ukthyaiḥ prajayā
paśubhiḥ prājāyantāgniṣṭomenaiva bhrātṛvyaṃ nigṛhya madhyata ukthyaiḥ
prajayā prajāyate

224.6

trikakubvā eṣa yajñaḥ

224.7

trikakup
samānānāñca prajānāñca bhavati ya evaṃ veda

Linked texts (4)