Samavedabrahmananyashtau 23
Sāmavedabrāhmaṇānyaṣṭau 23
- Language
- Sanskrit
23.1
saptamaḥ khaṇḍaḥ
ātmā vā eṣa saṃvatsarasya yadviṣuvān pakṣāvetāvabhito bhavato
yena ceto'bhīvartena yanti yaśca parastāt pragātho bhavati tāvubhau
viṣuvati kāryyau pakṣāveva tadyajñasyātman pratidadhati svargasya lokasya
samaṣṭyai
23.2
'indrakratunna ābhareti pragātho bhavati
23.3
vasiṣṭho
vā etaṃ putrahato'paśyat saprajayā paśubhiḥ prājāyata yadeṣa pragātho
bhavati prajātyai
23.4
jīvā jyotiraśīmahīti ye vai svasti
saṃvatsaraḥsantaranti te jīvā jyotiraśnuvate
23.5
māno ajñātā
vṛjanā durādhyo mā śivāso'vakramuriti ye vai stenā ripavaste
durādhyastāneva tadatikrāmanti
23.6
tvayā vayaṃ pravataḥ śaśvatīrapo'sti
śūratarāmasīti saṃvatsaro vai pravataḥ śaśvatīrapastameva tattaranti
23.7
adyādyāśvaḥ śvastvāmidā hyo naro vayamenamidāhya iti santanayaḥ
pragāthā bhavanti teṣāmekaḥ kāryyaḥ samalomatvāya śvastanamevābhisantavanti
23.8
atho khalvāhurindra kratunna ābharetyeva
kāryyaḥsamṛddhayai
23.9
pratyavarohiṇo māsā bhavanti
23.10
yathā
vā ito vṛkṣaḥrohantyevamenaṃ pratyavarohanti svargameva tallokaḥrūdvāsmilloke pratitiṣṭhanti