Samavedabrahmananyashtau 236

Sāmavedabrāhmaṇānyaṣṭau 236

Language: Sanskrit

236.1

saptadaśaḥ khaṇḍaḥ
atirātro jyotirgaurāyustryaho'bhiplavaḥ ṣaḍaho dvādaśāhasya
daśāhāni mahāvratañcātirātraścānnādyakāmā upeyuḥ

236.2

pañcarttavo
dvādaśamāsāstraya ime lokā asāvāditya ekaviṃśottaṃ dvāviṃśamebhyo
lokebhyaḥ saṃvatsarādamuṣmādādityādannādyamavarundhate ya etā
upayanti

236.1-2

aṣṭādaśaḥ khaṇḍaḥ
atirātro jyotirgaurāyurgaurāyuḥ pañcāho'bhiplavaḥ ṣaḍaho
dvādaśāhasya daśāhānyatirātraḥ pratiṣṭhākāmā upeyuḥ

236.2-2

etābhirvai
prajāpatireṣu lokeṣu pratyatiṣṭhat

236.3

yadetāstrayoviṃśatīrātrayo bhavanti traya ime lokā
eṣvevaitābhirllokeṣu pratitiṣṭhanti

236.4

etā vai pratiṣṭhitā
strayoviṃśatī rātrayaḥ pratitiṣṭhanti ya etā upayanti

ekonaviṃśaḥ khaṇḍaḥ
atirātraḥ pṛṣṭhyaḥ stomaḥ ṣaḍahastrayastriṃśamaharaniruktamupahavyasya
tantre klṛptantasya kaṇvarathantaraṃ madhyandine'tha trayastriṃśaṃ niruktaṃ
triṇavaṃ dve ekaviṃśe triṇavaṃ trayastriṃśamaharniruktaṃ trayastriṃśamaharaniruktaṃ pṛṣṭhyaḥ stomaḥ ṣaḍahaḥ pratyaṅtrivṛdaharaniruktaṃ
jyotiṣṭomo'gniṣṭomo'tirātraḥ

236.2-3

etābhirvai devāḥ svarge loke
samasīdan svarge loke sīdāmetyetāḥ

236.3-2

etā vāva bradhnasya
viṣṭapoyadete trayastriṃśā madhyataḥ sandhīyante tena bradhnasya
viṣṭaparohanti

236.4-2

madhyataḥ pṛṣṭhānyupayantyannaṃ vai pṛṣṭhānyannameva
tanmadhyato dhīyate tasmānmadhye sadannaṃ dhinoti

236.5

saptāhā vā
ete

236.6

ato vai prajāḥ prajāyante

236.7

pra prajayā pra
paśubhirjāyante ya eṃtā upayanti

236.8

apaśavyaṃ vā etat satraṃ
yadacchandomaṃ yatsaptāhāstena chandomavatyastena paśavyāḥ

236.9

trayastriṃśa strayastriṃśamanveti trivṛt trivṛtamagrādagraṃrohanti
yattrayastriṃśattrayastriṃśamanveti prāṇāt prāṇeṣu pratitiṣṭhanti

236.10

yat trivṛt trivṛtam

236.11

vilomāno vā etā rātrayo
yajjyotiragniṣṭoma utthānīyamaharbhavatyaklṛptasya klṛptyai

Linked texts (4)

Pañcaviṃśabrāhmaṇa — Sanskrit
Āpastambaśrautasūtra — Āpastamba, Sanskrit
Mānavaśrautasūtra — Sanskrit
Ārṣeyakalpa (another edition) — Sanskrit