Samavedabrahmananyashtau 237
Sāmavedabrāhmaṇānyaṣṭau 237
- Language
- Sanskrit
237.1
viṃśaḥ khaṇḍaḥ
atirātro dvāvabhiplavau ṣaḍahau dvādaśāhasya daśāhānyatirātraḥ
prajākāmā vā paśukāmāvopeyuḥ
237.2
klṛptādvai yoneḥ prajāḥ paśavaḥ prajāyante yat klṛptau
ṣaḍahāvupayanti klṛptādeva yoneḥ prajayā paśubhiḥ prajāyante
237.3
atha yāni dvādaśāhasya daśāhāni vācamavicchinnāmupayanti
prajananāya
237.4
etā vai pratiṣṭhitāścaturviṃśatī rātrayaḥ pratitiṣṭhanti
ya etā upayanti
237.1-2
ekaviṃśaḥ khaṇḍaḥ
etā eva samahāvratāḥ
237.2-2
etābhirvai prajāpatiḥ
sarvamannādyamavārundha
237.3-2
caturviṃśatiḥ saṃvatsarasyārdhamāsāḥ
saṃvatsaraḥ pañcaviṃśo'nnaṃ vrataṃ saṃvatsarādetābhirannādyamavarundhate ya
etā upayanti
237.1-3
drāviṃśaḥ khaṇḍaḥ
atirātro gauścāyuśca dve ahanī dvāvabhiplavau ṣaḍahodvādaśāhasya
daśāhānyatirātraḥ
237.2-3
ṛtavo na pratyatiṣṭhaṃsta etābhiḥ pratyatiṣṭhan
pratiṣṭhākāmā upeyuḥ pratyeva tiṣṭhanti
237.3-3
ṣaḍvā ṛtava ṛtuṣvevaitābhiḥ pratitiṣṭhanti
237.4-2
yadgauścāyuśca dve ahanī bhavato mithunau
stomāvupayanti prajātyai
237.5
yat klṛptau ṣaḍhāvupayanti klṛptyā
eva
237.6
atha yāni dvādaśāhasya daśāhāni vācamavicchinnāmupayanti
prajananāya
237.7
etā vai pratiṣṭhitā ṣaḍviṃśatīrātrayaḥ pratitiṣṭhanti
ya etā upayanti
Linked texts (1)
- Pañcaviṃśabrāhmaṇa — Sanskrit