Samavedabrahmananyashtau 24
Sāmavedabrāhmaṇānyaṣṭau 24
- Language
- Sanskrit
24.1
aṣṭamaḥ khaṇḍaḥ
gauścāyuśca stomau bhavataḥ
24.2
dvipādyajamānaḥ pratiṣṭhityai
24.3
ūnātiriktau bhavata ūnātiriktaṃ vā anu prajāḥ prajāyante
prajātyai
24.4
vairājau bhavato'nnaṃ virāḍannādya eva pratitiṣṭhanti
24.5
dvādaśāhasya daśāhāni bhavanti
24.6
virāḍvā eṣā samṛddhā
yaddaśāhāni virājyeva samṛddhāyāṃ pratitiṣṭhanti
24.7
pṛṣṭhāni bhavanti vīryaṃ vai pṛṣṭhāni vīryaeva pratitiṣṭhanti chandomā
bhavanti paśavo vai chandomāḥ paśuṣveva pratitiṣṭhantyathaitaddaśamamahārāptastomamāptachandaāptavibhaktikamaniruktaṃ prājāpatyam
24.8
yadadhyāhurati tadrecayanti tasmānna vyucyam
24.9
parokṣamanuṣṭubhamupayanti prajāpatirvā anuṣṭup yat pratyakṣamupeyuḥ prajāpatimṛcheyuḥ
24.10
yo vai satrasya sadveda sandravati vāmadevyaṃ vai
sāmnāḥsadagnirdevatānāṃ virāṭ chandasāntrayastriṃśaḥ stomānāṃ tānyeva
tadekadhā saṃbhūtyottiṣṭhanti
24.11
brahmavādino vadanti yataḥ
satrādudasthātā 3 sthitā 3 diti
24.12
ye rathantareṇa
stutvottiṣṭhanti te yata uttiṣṭhanti tān brūyādapratiṣṭhānā bhaviṣyantīti
ye bṛhatā stutyottiṣṭhanti te sthitāduttiṣṭhanti tān brūyāt
sthāyukaiṣāḥśrīrbhaviṣyati na vasīyāḥso bhaviṣyantīti
24.13
ye
vāmadevyena stutvottiṣṭhanti te sataḥ sadbhyuttiṣṭhanti pūrṇātpūrṇamāyatanādāyatanamantarikṣāyatanā hi prajā
24.14
trayastriṃśadakṣarāsu
bhavati trayastriṃśadevatāsveva pratiṣṭhāyottiṣṭhanti
24.15
prājāpatyaṃ
vai vāmadevyaṃ prajāpatāveva pratiṣṭhāyottiṣṭhanti paśavo vai vāmadevyaṃ
paśuṣveva pratiṣṭhāyottiṣṭhanti