Pramāṇa · Search · About · API

Samavedabrahmananyashtau 240

Sāmavedabrāhmaṇānyaṣṭau 240

Language
Sanskrit

240.1

dvitīyaḥ khaṇḍaḥ
atirātro'bhiplavaḥ ṣaḍaho'tirātro'bhiplavaḥ ṣaḍaho'tirātro'bhiplavaḥ ṣaḍahodvādaśāhasya daśāhāni mahāvrataścātirātraśca

240.2

ādityāścāṅgirasaścaitat satram̐samadadhatādityānāmekavim̐śatiraṅgirasāṃ dvādaśāhaādityā asmiṃlloka ṛddhā ādityā
amuṣminnaṅgiraso'sminnaṅgiraso'muṣmin dvayam̐satraṃ yāvaddvayena
satreṇardhnuvanti tāvatyetāsāmṛddhiḥ

240.1-2

tṛtīyaḥ khaṇḍaḥ
atirātratrayaḥ pañcāhā viśvajidatirātratrayaḥ pañcāhā
atirātraḥ

240.2-2

apaśavyaṃ vā etat satraṃ yadacchandomaṃ yadviśvajiti
chandomānupayanti tena chandomavatyastena paśāvyāḥ

240.3

pakṣiṇyo
vā etā rātrayo yaṃ kāmaṃ kāmayante tametābhirabhyaśnuvate yatra yatra
hi pakṣī kāmayate tattadabhyaśnute

240.4

trivṛtā prayanti trivṛtodyanti
prāṇāvai trivṛt stomānāṃ prāṇaireva prayanti prāṇeṣu pratitiṣṭhanti

240.1-3

caturthaḥ khaṇḍaḥ
atirātro jyotirgaurāyustatryahastrayo'bhiplavāḥ ṣaḍahā dvādaśāhasya
daśāhāni mahāvratañcātirātraścarddhikāmā upeyuḥ

240.2-3

etābhirvai
prajāpatiḥ sarvvāmṛddhimārdhnotsarvvāmṛddhimṛdhnuvanti ya etā
upayanti

240.3-2

yadetāścatustrim̐śadrātrayo bhavanti trayastrim̐śaddevatāḥ
prajāpatiścatustrim̐śo devatānāṃ prajāpaterevarddhimṛdhnuvanti

240.1-4

pañcamaḥ khaṇḍaḥ
atirātro jyotirgaurāyurgaurāyuḥ pañcāhastrayo'bhiplavāḥ ṣaḍahā
dvādaśāhasya daśāhānyatirātraḥ paśukāmā upeyuḥ

240.2-4

yadetāḥ
pañcatrim̐śadrātrayo bhavanti pāṅktāḥ paśavaḥ paśūnevaitābhirevarundhyate

240.1-5

ṣaṣṭhaḥ khaṇḍaḥ:
atirātraścatvāro'bhiplavāḥ ṣaḍahā dvādaśāhasya daśāhānyatirātraḥ
paśukāmā upeyuḥ

240.2-5

etābhirvai devā ādityamastabhnuvannādityalokaṃ
jayanti ya etā upayanti

240.3-3

bṛhatī vā etā rātrayaḥ svārājyaṃ
chandasāṃ bṛhatī yo vai paśūnāṃ bhūmānaṃ gacchati sa svārājyaṃ gacchati
pra svārājyamāpnuvanti ya etā upayanti

240.1-6

saptamaḥ khaṇḍaḥ:
etā eva samahāvratāḥ

240.2-6

etābhirvai prajāpatirubhau kāmāvavarundhānnaṃ vrataṃ paśavo bṛhatyubhāvevaitābhiḥ kāmāvavarundhate

240.1-7

aṣṭamaḥ khaṇḍaḥ:
atirātro gauścāyuśca dve ahanī catvāro'bhiplavāḥ ṣaḍahā
dvādaśāhasya daśāhānyatirātraḥ paśukāmā upeyuḥ

240.2-7

yadetā
aṣṭātriṃśadrātrayobhavantyaṣṭāśaphāḥ paśavaḥ śaphaśa evaitābhiḥ
paśūnavarundhate

240.1-8

navamaḥ khaṇḍaḥ:
atirātro jyotirgorāyustatryahaścatvāro'bhiplavāḥ ṣaḍahā
dvādaśāhasya daśāhānyatirātraḥ

240.2-8

etābhirvai prajāpatiranantāḥśriyamajayadanantā vā etā yā ekayā na catvāriṃśatreti vai
vāco'nantam

240.3-4

yadetā ekayā na catvāriṃśadrātrayo
bhavantyanantāmevaitābhiḥ śriyaṃ jayanti

240.1-9

daśamaḥ khaṇḍaḥ:
etā eva samahāvratāḥ

240.2-9

sarvvā vā etā virājo daśinī
prathamā viṃśinī dvitīyā triṃśinī tṛtīyaiṣā vai paramā virāṭ
yaccatvāriṃśadrātrayaḥ paṅktirvai paramā virāṭ

240.3-5

paramāyāmeva virāji pratitiṣṭhanti

240.1-10

ekādaśaḥ khaṇḍaḥ
atirātrastrīṇi trivṛttyahānyagniṣṭomamukhānyatirātro daśa pañcadaśā ukthyāḥ ṣoḍaśimaddaśamamaharatirātro dvādaśa saptadaśa ukthyā atirātro pṛṣṭhyaḥ ṣaḍaho'tirātro dvādaśaikaviṃśā ukthyā atirātraḥ

240.2-10

prajāpatiḥ prajā asṛjata tā avidhṛtā asajjñānanā anyonyāmādaṃstena prajāpatiraśocatsa etā apaśyattato vā idaṃ vyāvarttata gāvo gāvo'bhavannaśvā aśvāḥ puruṣāḥ puruṣāmṛgāmṛgāḥ

240.3-6

vi pāpmanā varttante ya etā upayanti

240.4-2

yadatirātrā antarā vidhṛtyai tasmānnetara itarasminreto dadhāti

240.5

yat pṛṣṭhyaḥ stomāḥ saṃsṛṣṭāstasmādajāvayaḥ paśūnāṃśca saha caranti tasmādugardabho vaḍavāyāśreto dadhāti

240.6

apaśavyaṃ vā etatsatraṃ yadacchandomaṃ yatsandhiṣāmasu chandāṃsyupayanti tena chandomavatyastena paśavyāḥ

240.7

gāyatrīṣu jarābodhīyamuṣṇikṣu śrudhyamanuṣṭupsu nānadaṃ bṛhatīṣu rathantaraṃ paṅktikṣu rāyovājīyaṃ triṣṭupsvauśanaṃ jagatīṣu kāvam

240.8

ūrdhvāni chandāṃsyupayantyanapabhraṃśāya

240.9

prāṇo vai svaroyat svarāvantato bhavatastasmāt dvāvantata: prāṇau

Linked texts (8)