Samavedabrahmananyashtau 243
Sāmavedabrāhmaṇānyaṣṭau 243
- Language
- Sanskrit
243.1
caturdaśaḥ khaṇḍaḥ
atirātraścaturvim̐śaṃ prāyaṇīyamahastrayo'bhiplavāḥ ṣaḍahā
abhijittrayaḥ svarasāmānodivākīrtyamahastrayaḥ svarasāmāno
viśvajideko'bhiplavaḥ ṣaḍaha āyuśca gauśca dve ahanī dvādaśāhasya
daśāhāni mahāvrataṃ cātirātraśca saṃvatsarasammitā yāvatī
saṃvatsarasyarddhistāvatyetāsāmṛddhiḥ
243.2
tadāhuryaccaturviṃśamahaḥ prāyaṇīyaṃ kuryuḥ saṃvatsaramārabhya na
samāpayeyuriti trivṛdeva kāryaṃ prāṇāvai trivṛt prāṇānevopayanti
243.3
atho khalvāhuścaturviṃśameva kāryaṃsamṛdhyai
243.4
athaite svarasāmānaḥ
śiro vai divākīrtyaṃ prāṇāḥ svarasāmāno yaddivākīrtyamabhitaḥ
svarasāmāno bhavanti śirasyeva tat prāṇā dhīyante
243.5
atha
yāvantyau prāṇau tau viśvajidabhijitāvathaite go āyuṣī mithunau
stomāvupayanti prajātyai
243.6
athaitāni dvādaśāhasya daśāhāni
vācamavicchinnāmupayanti prajananāya
243.7
athaitadvratamannaṃ vai vrataṃ
na vā anyatra mukhādannandhinoti yadupariṣṭādvratamupayanti mukhataeva
tadannādyaṃ dhīyate tasmānmukhe sadannaṃ dhinoti
243.8
athaitau
prāyaṇīyodayanīyāvatirātrau yenaiva prāṇena prayanti tamabhyudyanti
Linked texts (2)
- Ārṣeyakalpa (another edition) — Sanskrit
- Pañcaviṃśabrāhmaṇa — Sanskrit