Samavedabrahmananyashtau 246
Sāmavedabrāhmaṇānyaṣṭau 246
- Language
- Sanskrit
246.1
saptadaśa: khaṇḍa:
atirātra: ṣaḍabhiplavā: ṣaḍahā dvādaśāhasya daśāhāni mahāvrataṃ
cātirātraśca
246.2
etābhirvā indrāgnī atyanyādevatā
abhavatāmatyanyā: prajā bhavanti ya etā upayanti
246.3
indrāgnī
vai devānāmojiṣṭhā bhavanti ya etā upayanti
246.4
yat klṛptān
ṣaḍahānupayanti klṛptyā evāthaitāni. dvādaśāhasya daśāhāni
vācamavicchinnāmupayanti prajananāyāthaitadvratamathaitau prāyaṇīyodayanīyāvatirātrau yenaiva prāṇena prayanti tamabhyudyanti
246.1-2
aṣṭādaśa: khaṇḍa:
atirātraścaturvim̐śaṃ prāyaṇīyamahasrayo'bhiplavā: ṣaḍahā: pṛṣṭhaya:
ṣaḍaho'bhijit traya: svarasāmāno divākīrtyamahasraya: svarasāmāno
viśvajitpṛṣṭhaya: ṣaḍahastrayastrim̐śārambhaṇa ekobhiplava: ṣaḍahaāyuśca
gauśca dve ahanī dvādaśāhasya daśāhāni mahāvratañcātirātraśca
tadetadekaṣaṣṭirātraṃ daivānāṃ vrātyānām
246.2-2
daivā vai vrātyā: satramāsata
budhena sthapatinā te ha vā anirghyācya varuṇaṃrājānaṃ devayajanaṃ
didīkṣustān ha vā varuṇorājānuvyājahārāntaremi vo yajñiyāddhāgadheyānna devayānaṃ panthānaṃ prajñāsyatheti tasmāttebhyo na havirgṛhaṇanti
na graham
246.3-2
atha ha vai tarhi nauṣadhīṣu paya āsīnna kṣīre
sarpirna māśse na medo na tvaci lomāni na vanaspatiṣu palāśāni
tadyata etadekaṣaṣṭirātraṃ daivāvrātyā upāyaṃstato vai tāni tānyetairvīryaiḥ
samasṛjyanta tejasvantyevāsan payasvanti
246.4-2
tadeṣa
śloko'bhyanūcyata
246.5
kimakarteti yatputrān muhurdevāḥ apṛcchata
mahībudhasyāsīddīkṣā sa kṣīre sarpirārahat
246.6
mahīṃ dīkṣāṃ saumāyanobudho yadudayacchadanandatsarvamāpnonmanmāśse medo'ghā iti
246.7
daridrā
āsan paśavaḥ kṛśāḥ santovyavasthakāḥ saumāyanasya
dīkṣāyāśsamamṛjyantamedaseti
246.8
tadya etadekaṣaṣṭirātramupeyuste
devayajanamadhyavasāya gārhapatyaāhutiṃ juhuyurdeva varuṇa devayajaṃ no
dehi svāheti te datte devayajanena yajante
246.9
te sarvāmṛddhimārdhnuvan sarvāmṛddhimadhnuvanti ya etadupayanti
Linked texts (1)
- Pañcaviṃśabrāhmaṇa — Sanskrit