Samavedabrahmananyashtau 249
Sāmavedabrāhmaṇānyaṣṭau 249
- Language
- Sanskrit
249.1
atirātraścaturviṃśaṃ prāyaṇīyamahaḥ pṛṣṭhyaḥ ṣaḍahaścatvārastrivṛto'bhiplavāḥ ṣaḍahāḥ sa māsaḥ sa dvitīyaḥ sa tṛtīyaḥ sa caturthaḥ
sa pañcamastrayastrivṛto'bhiplavāḥ ṣaḍahāḥ pṛṣṭhyaḥ ṣaḍahastrivṛdbṛhaspatistomastrayaḥ svarasāmānodivākīrtyamahastrayaḥ svarasāmānaḥ pañcadaśa
indrastoma ukthyaḥ pṛṣṭhyaḥ ṣaḍahastrayastriṃśārambhaṇa ekastrivṛdabhiplavaḥ
ṣaḍaho dvādaśāhasya daśāhāni vyūḍhā agniṣṭomāstrivṛta udbhicca
balabhicca dve ahanī dvau catvārastrivṛto'bhiplavāḥ ṣaḍahāḥ pṛṣṭhyaḥ
ṣaḍaṃhaḥ sa māsaḥ sa dvitīyaḥ sa tṛtīyaḥ sa caturtho dvau
trivṛtāvabhiplavau ṣaḍahau pṛṣṭhyaḥ ṣaḍaha āyuśca gauśca dve ahanī
chandomadaśāhyaścaturviṃśaṃ prathamamahardve aṣṭāviṃśe triṃśaṃ dvātriṃśaṃ
ṣaṭtriṃśañcatvāriṃśañcatuścatvāriṃśamaṣṭācatvāriṃśañcaturviṃśammahāvratañcātirātrañcāṅgirasāṃ purastāt pṛṣṭhyam
249.2
purastātpṛṣṭhena
vā aṅgirasaḥ svargaṃ lokamākramanta yatpurastātpṛṣṭhānyupayanti svargasya
lokasyākrāntyai
249.3
annaṃ vai pṛṣṭhānyannameva tanmukhato dhīyate
tasmānmukhe sadannaṃ dhinoti paśavaḥ pṛṣṭhāni paśuṣveva
pratitiṣṭhanti
249.4
yadanyaccakrābhyāṃ'sākaṃ bṛhadbhyāṃ tatsamānamāchandomadaśāhāt
249.5
athaiṣa chandomadaśāhaśchandasāṃ doha
ūrdhvāni chandāṃsyupayantyanapabhraṃśāyaiṣa vāva devayānaḥ panthāḥ pradevayānaṃ
panthānamāpnuvanti ya etadupayantyathaitadvratam
249.6
athaitau
prāyaṇīyodayanīyāvatirātrau yenaiva prāṇena prayanti tamabhyudyanti
Linked texts (1)
- Pañcaviṃśabrāhmaṇa — Sanskrit