Samavedabrahmananyashtau 25

Sāmavedabrāhmaṇānyaṣṭau 25

navamaḥ khaṇḍaḥ
patnīḥ saṃyājya prāñca udetyāyaḥsahasramānava ityatichandasā''havanīyamupatiṣṭhante

ime vai lokā atichandā eṣveva
lokeṣu pratitiṣṭhanti

goriti nidhanaṃ bhavati .virājo vā
etadrūpaṃ yadgaurvirājyeva pratitiṣṭhanti

pratyañcaḥ prapadya sārparājñyā
ṝgbhiḥ stuvanti

arbbudaḥ sarpa etābhirmṛtāntvacamapāhata
mṛtāmevaitābhistvacamapaghnate

iyaṃ vai sārparājñayasyāmeva pratitiṣṭhanti

tisṛbhiḥ stuvanti
traya ime lokā eṣveva lokeṣu pratitiṣṭhanti

manasopāvarttayati

manasā hiṅkaroti manasā prastauti manasodgāyati
manasā pratiharati manasā nidhanamupayantyasamāptasya samāptyai

yadvai vācā na samāpuvanti manasā tatsamāpayanti

pariśrite
stuvanti brahmaṇaḥ prarigṛhītyai

brahmodyaṃ vadanti brahmavarccasaṃ
eva pratitiṣṭhanti

caturhotāraḥhotā vyācaṣṭe stutameva
tadanuśaṃsati nahi tat stutaṃ yadanuśastam

prajāpatiṃ
parivadantyāptvaivainaṃ tadvyācakṣate tāvadāpāmainamiti

gṛhapatiraudumbarīṃ dhārayati gṛhapatirvā ūrjjo yantorjamevaibhyo yacchati

vācaṃ yacchanti

dugdhānīva vai tarhi chandāṃsi yātayāmānyantagatāni tānyeva tadrasenāpyāyaryanti

atho
śvastanamevābhisantanvanti

ātmadakṣiṇaṃ vā etadyatsatram

yadā vai puruṣa ātmano'vadyati yaṃ kāmaṃ kāmayate tamabhyaśnute

dvābhyāṃ lomāvadyati dvābhyāṃ tvacaṃ dvābhyāṃ mām̐saṃ dvābhyāmasthi dvābhyāṃ
majjānaṃ dvābhyāṃ pīvaśca lohitañca

śikhā anu pravapante
pāpmānameva tadapaghnate laghīyām̐saḥ svargam̐lokamayāmeti

atho gavāmevānurūpā bhavanti sarvasyānnādyasyāvarudhyai