Samavedabrahmananyashtau 252
Sāmavedabrāhmaṇānyaṣṭau 252
- Language
- Sanskrit
252.1
pañcamaḥ khaṇḍaḥ
saṃvatsaraṃ dīkṣitā bhavanti saṃvatsaramupasaddhiśvaranti saṃvatsaraṃ
prasuto bhavati
252.2
tatsaṃvatsaraṃ dīkṣitā bhavanti tapa eva tena
tapyanteyatsaṃvatsaramupasaddhiśvaranti punata eva tena yatsaṃvatsaraṃ
prasutobhavati devalokameva tenāpiyanti
252.3
etena vai tapaścito
devāḥ sarvvāmṛddhimārdhnuvan sarvvāmṛddhimṛdhnuvanti ya eta dupayanti
252.1-2
ṣaṣṭhaḥ khaṇḍaḥ
trayastrivṛtaḥ saṃvatsarāstrayaḥ pañcadaśāstrayaḥ saptadaśāstraya
ekaviṃśāḥ prajāpaterdvādaśasaṃvatsaram
252.2-2
etena vai prajāpatiḥ
sarvasya prasavamagacchatsarvasya prasavaṃ gacchanti ya etadupayanti
252.3-2
yat trayastrivṛtaḥ saṃvatsarā bhavanti tejo brahmavarcasaṃ trivṛtteja eva
brahmavarcasamavarundhate yat trayaḥ pañcadaśā ojo vīryaṃ pañcadaśa
ojaeva vīryamavarundhate yat trayaḥ saptadaśā annaṃ vai
saptadaśo'nnādyamevāvarundhate yat traya ekaviṃśāḥ pratiṣṭhā vā
ekaviṃśo'ntata eva yajñasya pratitiṣṭhanti
252.4
etena vai naimiśīyāḥ
sarvāmṛddhimārdhnuvan sarvāmṛddhimṛdhnuvanti ya etadupayanti
252.5
te
ha saptadaśebhya evādhyuttasthusta u hocuryonaḥ prajāyāmṛdhyātai sa
etatsatram̐samāpayāditi tadetatsamīpsanto brāhmaṇāḥ satramāsate
Linked texts (5)
- Āpastambaśrautasūtra — Āpastamba, Sanskrit
- Pañcaviṃśabrāhmaṇa — Sanskrit
- Mānavaśrautasūtra — Sanskrit
- Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit
- Śrautasūtra (Āpastamba) — Āpastamba, Sanskrit