Samavedabrahmananyashtau 254

Sāmavedabrāhmaṇānyaṣṭau 254

Language: Sanskrit

254.1

navamaḥ khaṇḍaḥ
atirātraḥ sahasramahānyatirātro'gneḥ sahasrasāvyam

254.2

etena
vā agniḥ sarvvasya prasavamagacchat sarvvasya prasavaṃ gacchanti ya
etadupayanti

254.3

agnervai sarvamādyaḥ sarvvameṣāmādyaṃ bhavati ya
etadupayanti

254.4

atha yat sahasrasāvyaṃ bhavati sahasrākṣarā vai
paramā virāṭ paramāyāmeva virāji pratitiṣṭhanti

254.1-2

daśamaḥ khaṇḍaḥ
sarasvatyā vinaśane dīkṣante

254.2-2

teṣāṃ dvādaśa dīkṣā
dvādaśopasadaḥ

254.3-2

yadaharatirātro bhavati tadaharvvatsānapā kurvanti
saḥ sthite'tirātre sānnāyyena yajante

254.4-2

sānnāyyeneṣṭvādhvaryyuḥ
śamyāṃ parāsyati sā yatra nipatati tadgārhapatyastataḥ ṣaṭtriṃśataṃ
prakramān prakrāmati tadāhavanīyaḥ

254.5

cakrīvat sadaścakrīvadvirddhānaṃ
cakrīvadāgnīdhramulūkhalabudhno'yūpaḥ prakṛṣya upopta eva noparavān
khananti

254.6

te tamāpūryyamāṇamāmāvāsye nayanti

254.7

teṣāṃ
paurṇamāsyāṃ goṣṭomastomo bhavatyukthyo bṛhatsāmā

254.8

saṃsthite goṣṭome paurṇamāsaṃ nirvapante te tamapakṣīyamāṇaṃ
paurṇamāsena yanti teṣāmamāvāsyāyāmāyuṣṭomaḥ stomo bhavatyukthyo
rathantarasāmā

254.9

mitrāvaruṇayoranayanam

254.10

etena vai
mitrāvaruṇāvimān lokānājayatāmahorātrau vai mitrāvaruṇāvaharmitrorātrirvvaruṇo'rddhamāsau vai mitrāvaruṇau ya āpūryate sa mitro
yo'pakṣīyate sa varuṇaḥ sa eṣa mitro varuṇoretaḥ siñcati

254.11

sarasvatyā vai devā ādityamastabhnuvan sā nāyacchat sābhyalvīyata
tasmāt sā nubjīmatīva taṃ bṛhatyāstabhnuvan sāyacchattasmādbṛhatī
chandasāṃ vīryyavattamādityaśhi tayāstabhnuvan