Samavedabrahmananyashtau 258
Sāmavedabrāhmaṇānyaṣṭau 258
- Language
- Sanskrit
258.1
agnirindraḥ prajāpatiḥ somo varuṇastvaṣṭāṅgirasaḥ pūṣā
sarasvatīndrāgnī
258.2
iḍānidhanāni padanidhanānīkāraṇidhanānītyāgneyāni
258.3
sarvāṇi nidhanavantyaindrāṇyanyānyādiṣṭebhyaḥ
258.4
sarvāṇi svārāṇi prājāpatyāni
258.5
yathā vāmadevyam
258.6
ṛksāmāni saumāni
258.7
yathauśanakāve
258.8
vāṅnidhanāni
vāruṇāni
258.9
yathā yajñāyajñīyam
258.10
akṣarānusvarāṇi
tvaṣṭrāṇi
258.11
yathā vāravantīyañcābhivartaśca
258.12
svaḥpṛṣṭhānyāṅgirasāni
258.13
svarṇidhanāni pauṣāṇi
258.14
kayā
naścitra ā bhuvad ā pavasva sahasriṇamiti vāṅnidhane
sārasvate
258.15
ya ānayatparāvata ityaindrāgne
258.16
sutaḥśrayiṣṭhāḥ
saho rayiṣṭhā ityāgneyaindre
258.17
vasavo rudrā ādityā
viśvedevāḥ
258.18
vasūnāṃ svārāṇi rudrāṇāṃ nidhanavanti
ādityānāmaiḍāni viśveṣāṃ devānāṃ vāṅnidhanāni
258.19
yathā
bhūyastvena pradeśā vartanta ityantarāṇi
258.20
athāntaratarāṇi
sarvāṇyāgneyāni sarvāṇyaindrāṇi sarvāṇi svārāṇi prājāpatyāni
sāmānītyantaratarāṇi
258.21
athāntaratamāni sarvāṇi brāhmāṇi
sāmānīti sarvāntaratamāni
258.22
athopaniṣat
258.23
ṛgvai mātā sāma pitā prajāpatiḥ svaraḥ
258.24
tadyānyṛkta
ākhyāyante mātṛtastānyākhyāyante atha yāni sāmata ākhyāyante
pitṛtastānyākhyāyante atha yāni svarata ākhyāyante prajāpatitastānyākhyāyante
258.25
sa vā eṣa udgītho bandhumān bandhumatyaḥ
258.26
bandhumān bandhumatyo bhavati jānanti ha vā enaṃ
pitṛtaśca mātṛtaśca ya evaṃ veda
Linked texts (1)
- Devatādhyāyabrāhmaṇa — Sanskrit