Samavedabrahmananyashtau 263
Sāmavedabrāhmaṇānyaṣṭau 263
- Language
- Sanskrit
263.1
tṛtīyaḥ khaṇḍaḥ
lekhāsandhiṣu pakṣmasvāvarteṣu ca yāni te| tāni te pūrṇāhutyā
sarvāṇi śamayāmyaham
263.2
keśeṣu yacca pāpakamīkṣite rudite ca
yat| tāni te pūrṇāhutyā sarvāṇi śamayāmyaham
263.3
śīleṣu yacca
pāpakaṃ bhāṣite hasite ca yat| tāni te pūrṇāhutyā sarvāṇi
śamayāmyaham
263.4
ārokeṣu ca danteṣu hastayoḥ pādayośca yat
tāni te pūrṇāhutyā sarvāṇi śamayāmyaham
263.5
ūrvorupasthe jaṅghayoḥ sandhāneṣu ca yāni te| tāni te pūrṇāhutyā sarvāṇi śamayāmyaham
263.6
yāni kāni ca ghorāṇi sarvāṅgeṣu tavābhavan| pūrṇāhutibhirājyasya sarvāṇi tānyaśīśamam svāhā
263.7
dhruvā dyaurdhruvā pṛthivī dhruvaṃ viśvamidaṃ jagat| dhruvāsaḥ parvatā ime dhruvā strī patikule iyam
263.8
annapāśena maṇinā prāṇasūtreṇa pṛśninā| badhnāmi satyagranthinā manaśca hṛdayaṃ ca te
263.9
yadetaddhṛdayaṃ tava tadastu hṛdayaṃ mama| yadidaṃ hṛdayaṃ mama tadastu hṛdayaṃ tava
263.10
annaṃ prāṇasya ṣaḍviṃśastena badhnāmi tvāsau
263.11
sukiṃśukaṃ śalmaliṃ viśvarūpaṃ, suvarṇavarṇaṃ sukṛtaṃ sucakram| āroha sūrye amṛtasya nābhiṃ, syonaṃ patye vahatuṃ kṛṇuṣva
263.12
mā vidan paripanthino ya asīdanti dampatī| sugebhirdurgamatītāmapa mrāntvarātayaḥ
263.13
iha gāvaḥ prajāyadhvamihāśvā iha pūruṣāḥ| iho sahasradakṣiṇo'pi pūṣā niṣīdatu
263.14
iha dhṛtiriha svadhṛtiriha rantiriha ramasva| mayi dhṛtirmayi svadhṛtirmayi ramo mayi ramasva
Linked texts (8)
- Chāndogyabrāhmaṇa (ed. Durgamohan Bhattacharyya) — Sanskrit
- Mantrabrāhmaṇa — Sanskrit
- Chāndogyabrāhmaṇa / Mantrabrāhmaṇa — Sanskrit
- Mantrabrāhmaṇa or Upaniṣadbrāhmaṇa or Chāndogyabrāhmaṇa — Sanskrit
- Mantras in Gobhilagṛhyasūtra — Sanskrit
- Subodhinīpaddhati — Śivarāma 1615, Sanskrit
- Chāndogyamantra — Sanskrit
- Satkriyāsāradīpikā — Gopālakavi 1500, Sanskrit