Pramāṇa · Search · About · API

Samavedabrahmananyashtau 265

Sāmavedabrāhmaṇānyaṣṭau 265

Language
Sanskrit

265.1

pañcamaḥ khaṇḍaḥ
ayamūrjāvato vṛkṣa ūrjīva phalinī bhava| parṇaṃ vanaspate nuttvā
nuttvā sūyatāṃ rayiḥ

265.2

yenāditeḥ sīmānaṃ nayati prajāpatirmahate
saubhagāya| tenāhamasyai sīmānaṃ nayāmi prajāmasyai jaradaṣṭiṃ
kṛṇomi

265.3

rākāmahaṃ suhavāṃ suṣṭutī huve śṛṇotu naḥ subhagā
bodhatutmanā| sīvyatvapaḥ sūcyā'cchidyamānayā dadātu vīraṃ
śatadāyumukhyam

265.4

yāste rāke sumatayaḥ supeśaso yābhirdadāsi
dāśuṣe vasūni| tābhirno adya sumanā upāgahi sahasrapoṣaṃ subhage
rarāṇā

265.5

kiṃ paśyasi prajāṃ paśūn saubhāgyaṃ mahyaṃ dīrghāyuṣṭvaṃ
patyuḥ

265.6

yā tiraścī nipadyate ahaṃ vidharaṇī iti| tāṃ tvā ghṛtasya
dhārayā yaje saṃrādhanīmaham| saṃrādhanyai devyai deṣṭrayai svāhā

265.7

vipaścit pucchamabharattaddhātā punarāharat| parehi tvaṃ vipaścit
pumānayaṃ janiṣyate'sau nāma

265.8

iyamājñe damannamidamāyuridammṛtam

265.9

medhāṃ te mitrāvaruṇau medhāmagnirdadhātu te| medhāṃ te aśvinau
devāvā dhattāṃ puṣkarasrajau

265.10

yatte susīme hṛdayaṃ hitamantaḥ
prajāpatau| vedāhaṃ manye tadbrahma māhaṃ pautramaghaṃ nigām

265.11

yat pṛthivyā anāmṛtaṃ divi candramasi śritam| vedāmṛtasyāhaṃ nāma māhaṃ pautramaghaṃ riṣam

265.12

indrāgnī śarma yacchataṃ prajāyai me prajāpatī| yathāyaṃ na pramīyeta putro janitrā adhi

265.13

yadadyaścandramasi kṛṣṇaṃ pṛthivyā hṛdayaṃ śritam| tadahaṃ vidvāṃstat paśyan māhaṃ pautramaghaṃ rudam

265.14

ko'si katamo'syeṣo'syamṛto'si| āhaspatyaṃ māsaṃ praviśāsau

265.15

sa tvāhne paridadātvahastvā rātryai paridadātu, rātristvāhorātrābhyāṃ paridadātvahorātrau tvārdhamāsebhyaḥ paridattāmardhamāsāstvā māsebhyaḥ paridadatu māsāstvartubhyaḥ paridadatvṛtavastvā saṃvatsarāya paridadatu saṃvatsarastvāyuṣe jarāyai paridadātvasau

265.16

aṅgādaṅgāt saṃsravasi hṛdayādadhi jāyase| prāṇante prāṇena sandadhāmi jīva me yāvadāyuṣam

265.17

aṅgādaṅgāt sambhavasi hṛdayādadhi jāyase| vedo vai putranāmāsi sa jīva śaradaḥ śatam

265.18

aśmābhava paraśurbhava hiraṇyamastṛtaṃ bhava| ātmāsi putra mā mṛthāḥ sa jīva śaradaḥ śatam

265.19

paśūnāṃ tvā hiṅkāreṇābhijighrāmyasau

Linked texts (9)