Pramāṇa · Search · About · API

Samavedabrahmananyashtau 266

Sāmavedabrāhmaṇānyaṣṭau 266

Language
Sanskrit

266.1

ṣaṣṭhaḥ khaṇḍaḥ
āyamagāt savitā kṣureṇa

266.2

uṣṇena vāya udakenaidhi

266.3

āpa undantu jīvase

266.4

viṣṇordaṃṣṭro'si

266.5

oṣadhe trāyasvainam

266.6

svadhite mainaṃ hiṃsīḥ

266.7

yena pūṣā bṛhaspatervāyorindrasya cāvapat| tena te vapāmi brahmaṇā jīvātave jīvanāya dīrghāyuṣṭvāya varcase

266.8

tryāyuṣaṃ jamadagneḥ kaśyapasya tryāyuṣaṃ magastyasya tryāyuṣaṃ yadevānāṃ tryāyuṣaṃ tatte (tanme) astu tryāyuṣam

266.9

agne vratapate vrataṃ cariṣyāmi tatte prabravīmi tacchakeyam| tenardhyāsamidamahamanṛtāt satyamupaimi svāhā

266.10

vāyo vratapate vrataṃ cariṣyāmi tatte prabravīmi tacchakeyam| tenardhyāsamidamahamanṛtāt satyamupaimi svāhā

266.11

sūrya vratapate vrataṃ cariṣyāmi tatte prabravīmi tacchakeyam
tenardhyāsamidamahamanṛtāt satyamupaimi svāhā

266.12

candra vratapate vrataṃ
cariṣyāmi tatte prabravīmi tacchakeyam| tenardhyāsamidamahamanṛtāt
satyamupaimi svāhā

266.13

vratānāṃ vratapate vrataṃ cariṣyāmi tatte
prabravīmi tacchakeyam| tenardhyāsamidamahamanṛtāt satyamupaimi
svāhā

266.14

āgantrā samaganmahi pra sumartyaṃ yuyotana| ariṣṭāḥ
saceremahi svasti caratādayam

266.15

agniṣṭe hastamagrahīt savitā
hastamagrahīdaryamā| hastamagrahīnmitrastvamasi karmaṇāgnirācāryastava

266.16

brahmacaryamāgāmupa mā nayasva

266.17

ko
nāmāsi

266.18

asau nāmāsmi

266.19

devasya te savituḥ
prasave'śvinorbāhubhyāṃ pūṣṇo hastābhyāṃ hastaṃ gṛhṇāmyasau

266.20

sūryasyāvṛtamanvāvartasvāsau

266.21

prāṇānāṃ granthirasi mā
visrasontaka idaṃ te paridadāmyamum

266.22

ahura idante
paridadāmyamum

266.23

kṛśana idante paridadāmyamum

266.24

prajāpataye tvā paridadāmyasau

266.25

devāya tvā savitre
paridadāmyasau

266.26

brahmacaryasyasau

266.27

samidhamādhehyapo'śāna
karma kuru mā divā svāpsīḥ

266.28

iyaṃ duruktāt paribādhamānā
varṇaṃ pavitraṃ punatī na āgāt| prāṇāpānābhyāṃ balamāharantī svasā
devī subhagā mekhaleyam

266.29

ṛtasya goptrī tapasaḥ parasvī ghnatī
rakṣaḥ sahamānā arātīḥ| sā mā samantamabhi paryehi bhadre dhartāraste
mekhale mā riṣāma

266.30

tat saviturvariṇyaṃ bhargo devasya dhīmahi
dhiyo yo naḥ pracodayāt

266.31

bhūrbhuvaḥ svarom

266.32

suśravaḥ
suśravasaṃ mā kuru yathā tvaṃ suśravaḥ suśravāḥ| deveṣvevamahaṃ suśravaḥ
suśravā brāhmaṇeṣu bhūyāsam

266.33

agnaye samidhamāhārṣaṃ bṛhate
jātavedase| yathā tvamagne samidhā samidhyasa evamahamāyuṣā medhayā
varcasā prajayā paśubhirbrahmavarcasena dhanenānnādyena samedhiṣīya
svāhā

266.34

punarmaitvindriyaṃ punarāyuḥ punarbhagaḥ punardraviṇamaitu mā
punarbrāhmaṇamaitu mā

266.35

punarmanaḥ punarātmā ma āgāt punaścakṣuḥ
punaḥ śrotraṃ ma āgāt| vaiśvānaro adabdhastanūpā antastiṣṭhatu me
mano'mṛtasya ketuḥ svāhā

Linked texts (7)