Samavedabrahmananyashtau 267

Sāmavedabrāhmaṇānyaṣṭau 267

saptamaḥ khaṇḍaḥ
ye apsvantaragnayaḥ praviṣṭā gohya upagohyo marūko manohāḥ
khalo virujastanūdūṣirindriyahā ati tānsṛjāmi

yadapāṃ ghoraṃ
yadapāṃ krūraṃ yadapāmaśāntamati tat sṛjāmi

yo rocanastamiha
gṛhṇāmi tenāhaṃ māmabhiṣiñcāmi

yaśase tejase brahmavarcasāya
balāyendriyāya vīryāyānnādyāya rāyaspoṣāya tviṣyā arpacityai

yena sriyamakṛṇutaṃ yenāpāmṛśataṃ surās| yenākṣānbhyaṣiñcataṃ yenemā
pṛthivīṃ mahīm| yadvā tadaśvinā yaśastena māmabhiṣiñcatam

udyanbhrājabhṛṣṭibhirindro marudbhirasthāt prātaryāvabhirasthāt
daśasanirasi daśasaniṃ mā kurvā tvā viśāmyā mā viśa

udyanbhrājabhṛṣṭibhirindro marudbhirasthāt sāntapanebhirasthāt
śatasanirasi śatasaniṃ mā kurvā tvā viśāmyā mā viśa

udyanbhrājabhṛṣṭibhirindro marudbhirasthāt sāyaṃyāvabhirasthāt
sahasrasanirasi sahasrasaniṃ mā kurvā tvā viśāmyā mā viśa

cakṣurasi cakṣuṣṭvamasyava me pāpmānaṃ jahi| somastvā rājā'vatu
namaste'stu mā mā hiṃsīḥ

uduttamaṃ varuṇa pāśamasmadavādhamaṃ vi
madhyamaśrathāya| athādityavrate vayaṃ tavānāgaso aditaye
syāma

śrīrasi mayi ramasva

netryau stho nayataṃ
mām

gandharvo'syupāva upa māmava

yakṣamiva cakṣuṣaḥ
priyo vo bhūyāsam

oṣṭhāpidhānā nakulī dantaparimitaḥ
paviḥ| jihve mā vihvalo vācaṃ cāru mā'dyeha vādaya

vanaspate
vīḍvaṅgo hi bhūyā asmatsakhā prataraṇaḥ suvīraḥ| gobhiḥ sannaddho
asi vīḍayasvāsthātā te jayatu jetvāni

Linked texts (9)