Samavedabrahmananyashtau 27
Sāmavedabrāhmaṇānyaṣṭau 27
- Language
- Sanskrit
27.1
vāmadevyaṃ mahāvrataṃ kāryam
27.2
trivṛcchiro bhavati
27.3
trivṛddhaceva śirolomatvagasthi
27.4
pāṅkta itara ātmā loma
tvaṅmāṃsamasthi majjā
27.5
sakṛddhiṅkṛtena śirasā parācā
stuvate
27.6
tasmācchiro'ṅgāni medyanti nānumedyati na kṛśyantyanukṛśyati
27.7
punarabhyāvarttamitareṇātmanā stuvate tasmāditara ātmā
medyati ca kṛśyati ca
27.8
arkavatīṣu gāyatrīṣu śiro
bhavati
27.9
annaṃ vā arko brahmavarcasaṃ gāyatryannādyaṃ caivaibhyo
brahmavarcasaśca mukhato dadhāti
27.10
pañcadaśasaptadaśau pakṣau bhavataḥ
pakṣābhyāṃ vai yajamāno vayo bhūtvā svargaṃ lokameti
27.11
tāvāhuḥ
samau kāryyau pañcadaśau vā saptadaśau vā savīvadhatvāya
27.12
tadvāhuryatsamau bhavata ekavīryyau tarhi bhavata iti pañcadaśasaptadaśāveva
kāryyau sācīva vai vayaḥ pakṣau kṛtvā patīyaḥ patati
27.13
dakṣiṇato bṛhatkāryaṃ dakṣiṇovā arddhaṃ ātmano vīryyavattaraḥ
27.14
atho khalvāhuruttarata eva kāryaṃ brāhmaṇācchaṃsino'rddhāt traiṣṭubhaṃ vai
bṛhattraiṣṭubho brāhmaṇācchaṃsī traiṣṭubhaḥ pañcadaśastomaḥ
27.15
dakṣiṇato
rathantaraṃ kāryyamaitrāvaruṇasyārddhadvāyatraṃ vai rathantaraṃ gāyatrī maitrāvaruṇo
gāyatraḥ saptadaśastomaḥ
27.16
ekaviṃśaṃ pucchaṃ bhavati
27.17
ekaviṃśo vai stomānāṃ pratiṣṭhā tasmādyaḥ pucchena pratiṣṭhāyotpatatati
pucchena pratiṣṭhāya niṣīdati
27.18
yajñāyajñīyaṃ pucchaṃ kāryyaṃ
yajñāyajñīyaścaiva mahāvratasya puccham
27.19
atho khalvāhuratiśayaṃ
vai dvipadāṃ yajñāyajñīyaṃ bhadrameva kāryyaśsamṛddhyai