Samavedabrahmananyashtau 272
Sāmavedabrāhmaṇānyaṣṭau 272
- Language
- Sanskrit
272.1
caturthaḥ khaṇḍaḥ
idaṃ bhūmerbhajāmaha idaṃ bhadraṃ sumaṅgalam| parā sapatnān
bādhasvānyeṣāṃ vindate vasvanyeṣāṃ vindate dhanam
272.2
imaṃ stomamarhate
jātavedase rathamiva saṃ mahemā manīṣayā| bhadra hi naḥ pramatirasya
saṃsadyagne sakhye mā riṣāmā vayantava
272.3
bharāmedhaṃ kṛṇvāmā
havīṣi te citayantaḥ parvaṇāparvaṇā vayam| jīvātave pratarāṃ sādhayā
dhiyo'gne sakhye mā riṣāmā vayantava
272.4
śakema tvā samidhaṃ
sādhayā dhiyastve devā haviradantyāhutam| tvamādityāṃ āvaha tān
hvuśmasyagne sakhye mā riṣāmā vayantava
272.5
'pavitre stho vaiṣṇavyau
viṣṇormanasā pūte sthaḥ| devastvā savitotpunātvacchidreṇa pavitreṇa
vasoḥ sūryasya raśmibhiḥ'| tapaśca tejaśca śraddhā ca hrīśca
satyañcākrodhaśca tyāgaśca dhṛtiśca dharmaśca sattvañca vāk ca manaścātmā
ca brahma ca tāni prapadye tāni māmavantu bhūrbhuvaḥ svaroṃ mahāntamātmānaṃ
prapadye
272.6
virūpākṣo'si dantāñjistasya te śayyā parṇe gṛhā
antarikṣe vimitaṃ hiraṇmayam| taddevānāṃ hṛdayānyasmaye kumbhe'ntaḥ
sannihitāni| tāni balabhṛcca balasācca rakṣato'pramaṇī animiṣataḥ
satyam| yatte dvādaśa putrāste tvā saṃvatsare saṃvatsare kāmapreṇa yajñena
yājayitvā punarbrahmacaryamupayanti| tvaṃ deveṣu brāhmaṇo'syahaṃ manuṣyeṣu
brāhmaṇo vai brāhmaṇamupa dhāvatyupa tvā dhāvāmi| japantaṃ mā mā prati
jāpīrjuhvantaṃ mā mā prati hauṣīḥ| kurvantaṃ mā mā prati kārṣīḥ| tvāṃ
prapadye| tvayā prasūta idaṃ karma kariṣyāmi| tanme rādhyatāṃ tanme
samṛdhyatāṃ tanma upa padyatām| samudro mā viśvavyacā brahmā'nu jānātu
tutho mā viśvavedā brahmaṇaḥ putro'nu jānātu ścātro mā pracetā
maitrāvaruṇo'nu jānātu| tasmai virūpākṣāya dantājhye samudrāya
viśvavyacase tuthāya viśvavedase śvātrāya pracetase sahasrākṣāya brahmaṇaḥ
putrāya namaḥ
272.7
'aktaṃ rihāṇā vyantu vayaḥ| yaḥ paśūnāmadhipatī
rudrastanticaro vṛṣā| paśūnasmākaṃ mā hiṃsīretadastu hutaṃ tava svāhā'
sahasrabāhurgopatyaḥ sa paśūnabhi rakṣatu| mayi puṣṭiṃ puṣṭipatirdadhātu
mayi prajāṃ prajāpatiḥ svāhā
272.8
kautomataṃ saṃvananaṃ subhāgaṃkaraṇaṃ
mama| nākulī nāma te mātā'thāhaṃ puruṣānayaḥ| yannau kāmasya
vicchinnaṃ tannau saṃ dhehyoṣadhe
272.9
vṛkṣa iva pakvastiṣṭhasi sarvān
kāmān bhuvaspate| yasyaivaṃ veda tasmai me bhogān dhukṣvākṣatān
bṛhan
272.10
ṛtaṃ satye pratiṣṭhitaṃ bhūtaṃ bhaviṣyatā saha| ākāśa upa
nirajjatu mahamannamatho śriyam
272.11
abhibhāgo'si sarvasmiṃstadu
sarvaṃ tvayi śritam| tena sarveṇa sarvo mā vivāsana vi vāsaya
272.12
kośa iva pūrṇo vasunā tvaṃ prīto dadase dhanam| adṛṣṭo dṛṣṭamā bhara
sarvān kāmān pra yaccha me
272.13
ākāśasyaiṣa ākāśo
yadetaddhāti maṇḍalam| evaṃ tvā veda yo vedeśāneśān pra yaccha
me
272.14
bhūrbhuvaḥ svaroṃ sūrya iva dṛśe bhūyāsamagniriva tejasā
vāyuriva prāṇena soma iva gandhena bṛhaspatiriva buddhyā'śvināviva
rūpeṇendrāgnī iva balena brahmabhāga evāhaṃ bhūyāsaṃ pāpmabhāgā me
dviṣantaḥ
Linked texts (6)
- Mantrabrāhmaṇa — Sanskrit
- Chāndogyabrāhmaṇa (ed. Durgamohan Bhattacharyya) — Sanskrit
- Mantrabrāhmaṇa or Upaniṣadbrāhmaṇa or Chāndogyabrāhmaṇa — Sanskrit
- Mantras in Gobhilagṛhyasūtra — Sanskrit
- Chāndogyabrāhmaṇa / Mantrabrāhmaṇa — Sanskrit
- Sāyaṇabhāṣya — Sāyaṇa, Sanskrit