Pramāṇa · Search · About · API

Samavedabrahmananyashtau 273

Sāmavedabrāhmaṇānyaṣṭau 273

Language
Sanskrit

273.1

pañcamaḥ khaṇḍaḥ
mūrghno'dhi me vaiśravaṇācchiraso'nupraveśinaḥ| lalāṭāddhasvarān
ghorān vighanān vi bṛhāmi vaḥ svāhā

273.2

grīvābhyo me
skandhābhyāṃ me nasto me'nupraveśinaḥ| mukhānme baddhadān ghorān
vighanān vi bṛhāmi vaḥ svāhā

273.3

bāhubhyāṃ me yato yataḥ pārśvayoruttu tānadhi| urasto baddhadān ghorān vighanān vi bṛhāmi vaḥ svāhā

273.4

vaṅkṣaṇābhyāṃ me lohitādān yonihānadhi| ūrubhyo niśśilaṣo ghorān vighanān vi bṛhāmi vaḥ svāhā

273.5

jaṅghābhyāṃ me yato yataḥ pāṣṇyaryoruttu tānadhi| pādayorvikirān ghorān vighanān vi bṛhāmi vaḥ svāhā

273.6

paribādhaṃ yajāmahe'ṇujaṅghaṃ śabalodaram| yo no'yaṃ paribādhate dānāya bhagāya ca svāhā

273.7

apehi tvaṃ paribādha mā vibādha vi bādhathāḥ| sugaṃ panthānaṃ me kuru yena mā dhanameṣyati svāhā

273.8

prajāpate na tvadetānyanyo viśvā jātāni pari tā babhūva| yatkāmāste juhumastanno astu vayaṃ syāma patayo rayīṇām svāhā

273.9

yaśo'haṃ bhavāmi brāhmaṇānāṃ yaśo rājñāṃ yaśo viśām| yaśaḥ satyasya bhavāmi bhavāmi yaśasāṃ yaśaḥ

273.10

punarmā yantu devatā yā madapacakramuḥ| mahasvanto mahānto bhavāmyasmin pātre harite somapṛṣṭhe

273.11

rūpa rūpaṃ me diśa prātarahnasya tejasaḥ| annamugrasya prāśiṣamastu vai mayi tvayīdamastu tvayi mayīdam

273.12

yadidaṃ paśyāmi cakṣuṣā tvayā dattaṃ prabhāsayā| tena mā bhuñja tena bhukṣiṣīya tena mā viśa

273.13

aharno atyapīparadrātrirno ati pārayat| rātrirno atyapīparadaharno ati pārayat

273.14

ādityanāvamārokṣaṃ pūrṇāmaparivādinīm| acchidrāṃ pārayiṣdhvīṃ śatāritrāṃ svastaye

273.15

oṃ nama ādityāya nama ādityāya nama ādityāya

273.16

udyantaṃ tvādityānūdiyāsaṃ pratitiṣṭhantaṃ tvādityānuprati tiṣṭhāsam

273.17

bhallāya svāhā

273.18

bhallāya svāhā

Linked texts (7)