Pramāṇa · Search · About · API

Samavedabrahmananyashtau 274

Sāmavedabrāhmaṇānyaṣṭau 274

Language
Sanskrit

274.1

ṣaṣṭhaḥ khaṇḍaḥ
vāstoṣpate pratijānīhyasmāntsvāveśo'namīvo bhavā naḥ| yatte mahe prati tanno juṣasva śaṃ no bhava dvipade śaṃ catuṣpade

274.2

haye rāke
sinīvāli sinīvāli pṛthuṣṭuke| subhadre pathye revati pathā no yaśa
āvaha svāhā

274.3

ye yanti prāñca panthāno ya u cottarata āyayyuḥ
ye ceme sarve panthānastebhino yaśa āvaha svāhā

274.4

yathā yanti
prapado yathā māsā aharjaram| evaṃ mā śrīdhātāraḥ samava yantu sarvataḥ
svāhā

274.5

yathā samudraṃ sravantīḥ samavayanti diśo diśaḥ| evaṃ mā
sakhāyo brahmacāriṇaḥ samava yantu diśo diśaḥ svāhā

274.6

vasuvana
edhi vasuvana edhi vasuvana edhi

274.7

vaśāṅgau devayānau yuvaṃ stho
yathā yuvayoḥ| sarvāṇi bhūtāni vaśamāyantyevaṃ mamāsau vaśametu
svāhā

274.8

śaṅkuśca mana āyuśca devayānau yuvaṃ stho yathā yuvayoḥ
sarvāṇi bhūtāni vaśamāyantyevaṃ mamāsau vaśametu svāhā

274.9

ākūtīṃ devīṃ manasā prapadye yajñasya mātaraṃ suhavā me astu| yasyāsta
ekamakṣaraṃ paraṃ sahasrā ayutaṃ ca śākhāstasyai vāce nihave juhobhyā
mā varo gacchatu śrīryaśaśca svāhā

274.10

idamahamimaṃ viśvakarmāṇaṃ
śrīvatsamabhi juhomi svāhā

274.11

pūrṇahomaṃ yaśase juhomi yo'smai
juhoti varamasmai dadāti| varaṃ vṛṇe yaśasā bhāmi loke
svāhā

274.12

indrāmavadāttamo vaḥ parastādahaṃ vo jyotirmāmabhyeta
sarve svāhā

274.13

annaṃ vā ekacchandasyamannaṃ hokaṃ bhūtebhyaśchandayati
svāhā

274.14

śrīrvā eṣā yatsatvāno virocano mayi sattvamavadadhātu
svāhā

274.15

annasya ghṛtameva rasastejaḥ sampatkāmo juhomi
svāhā

274.16

kṣudhe svāhā

274.17

kṣutpipāsābhyāṃ svāhā

274.18

mā
bhaiṣīrna mariṣyasi jaradaṣṭirbhaviṣyasi

274.19

rasaṃ viṣasya
nāvidamugmaphrenamivāsyam

274.20

tura gopāya mā nātha gopāya mā
aśastibhyo arātibhyaḥ svastyayanamasi

Linked texts (8)