Samavedabrahmananyashtau 28
Sāmavedabrāhmaṇānyaṣṭau 28
- Language
- Sanskrit
28.1
dvitīyaḥ khaṇḍaḥ
vāmadevyammahāvrataṃ kāryyantasya gāyatraḥśirobṛhadrathantare pakṣau yajñāyajñīyaṃ puccham
28.2
yo vai mahāvrate sahasraṃ protaṃ veda pra sahasraṃ paśūnāpnoti
28.3
tasya prācī dik śirastacchandobhiḥ sāhasramasāvanyataraḥ pakṣaḥ sanakṣatraiḥ sāhasro'yamanyataraḥ pakṣaḥ sa oṣadhibhiśca vanaspatibhiśca sāhasro'ntarikṣamātmā tadvayobhiḥ sāhasraṃ pratīcī dik pucchantadagnibhiśca raśmibhiśca sāhasraṃ pra sahasraṃ paśūnāpnoti ya evaṃ veda
28.4
tadāhurapṛṣṭhaṃ vai vāmadevyamanidhanaḥhīti
28.5
anāyatanaṃ vā etat sāma yadanidhanam
28.6
rājanmahāvrataṃ kāryyam
28.7
etadvai sākṣādannaṃ yadrājanaṃ pañcavidhaṃ bhavati pāṅktaḥhnannam
28.8
hiṅkāravadbhavati tena vāmadevyasya rūpam
28.9
nidhanavadbhavati tena pṛṣṭhasya rūpam
28.10
aticchandaḥsu pañcanidhanaṃ vāmadevyaṃ brahmasāma kāryyam
28.11
ati vā eṣā'nyāni chandāḥsi yadaticchandā atyetadanyānyahānyaharyyanmahāvratam
28.12
brahmasāmnaiva tadanyānyahānyatimedayati
28.13
pañcanidhanaṃ bhavati pāṅktaḥhnannam