Samavedabrahmananyashtau 283
Sāmavedabrāhmaṇānyaṣṭau 283
- Language
- Sanskrit
283.1
aṣṭamaḥ khaṇḍaḥ:
trayo hodgīthe kuśalā babhūvuḥ śilakaḥ śālāvatyaścaikitāyano
dālbhyaḥ pravāhaṇo jaivaliriti te hocurudgīthe vai kuśalāḥ smo
hantodgīthe kathāṃ vadāma iti
283.2
tatheti ha samupaviviśuḥ sa ha
pravāhaṇo jaivaliruvāca bhagavantāvagre vadatāṃ brāhmaṇayorvadatorvācaḥśroṣyāmīti
283.3
sa ha śilakaḥ śālāvatyaścaikitāyanaṃ
dālbhyamuvāca hanta tvā pṛcchānīti pṛccheti hovāca
283.4
kā sāmno
gatiriti svara iti hovāca| svarasya kā gatiriti prāṇa iti
hovāca| prāṇasya kā gatirityannamiti hovācānnasya kā gatirityāpa iti hovāca
283.5
apāṃ kā gatirityasau loka iti hovācāmuṣya lokasya kā gatiriti na svargaṃ lokamatinayediti hovāca svargaṃ vayaṃ lokaḥsāmābhisaḥsthāpayāmaḥ svargasaḥstāvaḥhi sāmeti
283.6
taḥha śilakaḥ śālāvatyaśraikitāyanaṃ dālbhyamuvācāpratiṣṭhitaṃ vai kila te dālbhya sāma yastvetarhi brūyānmūrdhā te vipatiṣyatīti mūrdhā te vipatediti
283.7
hantāhametadbhagavato vedānīti viddhīti hovācāmuṣya lokasya kā gatirityayaṃ loka iti hovācāsya lokasya kā gatiriti na pratiṣṭhāṃ lokamatinayediti hovāca pratiṣṭhāṃ vayaṃ lokaḥsāmābhisaḥsthāpayāmaḥ pratiṣṭhāsaḥstāvaḥhi sāmeti
283.8
taḥha pravāhaṇo jaivaliruvācāntavadvai kila te śālāvatya sāma yastvetarhi brūyānmūrdhā te vipatiṣyatīti mūrdhā te vipatediti hantāhametadbhagavato vedānīti viddhīti hovāca