Pramāṇa · Search · About · API

Samavedabrahmananyashtau 284

Sāmavedabrāhmaṇānyaṣṭau 284

Language
Sanskrit

284.1

navamaḥ khaṇḍaḥ
asya lokasya kā gatirityākāśa iti hovāca sarvāṇi ha vā
imāni bhūtānyākāśādeva samutpadyanta ākāśaṃ pratyastaṃ
yantyākāśo hyevaibhyo jyāyānākāśaḥ parāyaṇam

284.2

sa eṣa
parovarīyānudgīthaḥ sa eṣo'nantaḥ parovarīyo hāsya bhavati
parovarīyaso ha lokāñjayati ya etadevaṃ vidvānparovarīyāḥ
samudgīthamupāste

284.3

taḥhaitamatidhanvā śaunaka udaraśāṇḍilyāyotkvovāca yāvatta enaṃ prajāyāmudgīthaṃ vediṣyante parovarīyo
haibhyastāvadasmim̐lloke jīvanaṃ bhaviṣyati

284.4

tathāmuṣmim̐lloke
loka iti| sa ya etamevaṃ vidvānupāste parovarīya eva
hāsyāsmim̐lloke jīvanaṃ bhavati tathāmuṣmim̐lloke loka iti loke
loka iti

284.1-2

daśamaḥ khaṇḍaḥ
maṭacīhateṣu kuruṣvāṭikyā saha jāyayoṣastirha cākrāyaṇa
ibhyagrāme pradrāṇaka uvāsa

284.2-2

sa hebhyaṃ kulmāṣānkhādantaṃ bibhikṣe
taḥhovāca| neto'nye vidyante yacca ye ma ima upanihitā iti

284.3-2

eteṣāṃ me dehīti hovāca tānasmai pradadau hantānupānamityucchiṣṭaṃ vai me
pītaḥsyāditi hovāca

284.4-2

na svidete'pyucchiṣṭā iti na vā
ajīviṣyamimānakhādanniti hovāca kāmo ma udakapānamiti

284.5

sa ha khāditvātiśeṣāñjāyāyā ājahāra sāgra eva subhikṣā babhūva
tānpratigṛhya nidadhyau

284.6

sa ha prātaḥ sañjihāna uvāca yadvatānnasya
labhemahi labhemahi dhanamātraḥ rājāsau yakṣyate sa mā
sarvairārtvijyairvṛṇīteti

284.7

taṃ jāyovāca hanta pata ima eva
kulmāṣā iti tānkhāditvāmuṃ yajñaṃ vitatameyāya

284.8

tantrodgātṛnāstāve stoṣyamāṇānupopaviveśa sa ha prastotāramuvāca

284.9

prastotaryā devatā prastāvamanvāyattā tāṃ
cedavidvānprastoṣyasi mūrdhā te vipatiṣyatīti

284.10

evamevodgātāramuvācodgātaryā devatodgīthamanvāyattā tāṃ
cedavidvānudgāsyasi mūrdhā te vipatiṣyatīti

284.11

evameva
pratihartāramuvāca pratihartyā devatā pratihāramanvāyattā tāṃ
cedavidvānpratihariṣyasi mūrdhā te vipatiṣyatīti te ha
samāratāstūṣṇīmāsāñcakrire

Linked texts (12)